Tillaga að breyttu deiliskipulagi: Sauðárkrókshöfn - Háeyri 6 og 8
Sveitarstjórn Skagafjarðar samþykkti á 46. fundi sínum þann 25. febrúar 2026 að auglýsa tillögu að breytingu á deiliskipulagi fyrir hafnarsvæðið á Sauðárkróki vegna lóðanna Háeyri 6 og 8 í samræmi við 41. og 43. gr. skipulagslaga nr. 123/2010.
Breytingin sem hér um ræðir varðar innbyrðis lóðamörk á milli tveggja lóða, breytingu byggingarreits o.fl. Ekki er verið að breyta skipulags- og byggingarskilmálum né afmörkunum annarra landeigna. Meginmarkmið breytingar er að skapa grundvöll til uppbyggingar á svæðinu í samræmi við framtíðarhugmyndir lóðarhafa.
Opið er fyrir athugasemdir á tillögunni frá 4. mars 2026, til og með 17. apríl 2026. Hægt er að skoða tillöguna í Skipulagsgátt Skipulagsstofnunar á www.skipulagsgatt.is undir málsnúmeri 249/2026. Tillagan mun jafnframt liggja frammi til kynningar í Ráðhúsinu, Skagfirðingabraut 17-21, Sauðárkróki á skrifstofutíma. Einnig er hægt að nálgast gögnin á heimasíðu Skagafjarðar www.skagafjordur.is
Hverjum þeim sem telja sig eiga hagsmuna að gæta er gefinn kostur á að senda inn rafrænar ábendingar og athugasemdir sem snúa að málefnum deiliskipulagsins í gegnum vef skipulagsgáttar www.skipulagsgatt.is (mál nr. 249/2026). Einnig er hægt að skila inn skriflegum umsögnum til skipulagsfulltrúa í afgreiðslu Ráðhússins, Skagfirðingabraut 17-21, 550 Sauðárkróki eða á netfangið skipulagsfulltrui@skagafjordur.is.
Skipulagsfulltrúi Skagafjarðar
Fleiri fréttir
-
Glaðheimar stækka og fullbókað fyrstu þrjá mánuði ársins
feykir.is Austur-Húnavatnssýsla, Lokað efni 04.03.2026 kl. 14.57Ferðaþjónustufyrirtækið Glaðheimar á Blönduósi eru í stöðugum vexti og gekk rekstur þess vel á síðasta ári, að sögn Lárusar B. Jónssonar framkvæmdastjóra. Í dag er gistirými Glaðheima á svæð-inu fyrir um 150 manns, þar af eru um 30 sumarhús í mismunandi stærðum og gistihús með rými fyrir um 16 manns. Í samtali við Húnahornið segir Lárus að bókanir fyrir árið 2026 hafi verið miklar og að fullbókað sé fyrstu þrjá mánuði ársins. Í ljósi þess hafi eigendur Glaðheima ákveðið að auka verulega við gistiplássið, eða um það bil fyrir 50 manns til viðbótar.Meira -
Unnið að mokstri í Hrútafirði og á Holtavörðuheiði
feykir.is Skagafjörður, Austur-Húnavatnssýsla, Vestur-Húnavatnssýsla 04.03.2026 kl. 08.51Það er strekkingu víða á Norðurlandi vestra og þó einna helst í Skagafirði en vindur er allnokkur við Tröllaskaga og nágrenni. Vindur er að suðvestan, hiti um frostmark og það éljar. En eins og allir vita þá styttir öll él upp um síðir og spá Veðurstofunnar gerir ráð fyrir að það birti til upp úr hádegi og éljabakkar hverfa á braut.Meira -
„Þetta er árásarstríð gegn smáríki“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 04.03.2026 kl. 08.32„Við stöndum frammi fyrir algerri eyðileggingu og gríðarlegri reiði og gremju í garð ríkisstjórnar Evrópusambandsins [framkvæmdastjórnarinnar] vegna þess að þetta eru fullkomin svik,“ sagði Brendan Byrne, framkvæmdastjóri Samtaka írskra fiskvinnslufyrirtækja og útflytjenda, í samtali við írsku útvarpsstöðina Highland Radio í desember.Meira -
Skagafjörður óskar eftir tilboðum í framkvæmdir við Staðarbjargavík
feykir.is Skagafjörður 04.03.2026 kl. 08.23Skagafjörður óskar eftir tilboðum í verkið Staðarbjargavík Hofsósi – Tröppur og pallar. Verkið felst í uppbyggingu útsýnissvæðis við Staðarbjargavík. Um er að ræða jarðvinnu, smíði stoðveggja úr steypu, smíði handriða, útsýnispalla, bekkja og stiga úr völsuðu galvanhúðuðu stáli ásamt göngustígagerð. Verkinu í heild skal að fullu lokið 31. ágúst 2026.Meira
