Hagnaður Króksblóts til góðra mála
Þó ekki sé hlutverk eða tilgangur þorrablótsnefndarinnar á Sauðárkróki að skila hagnaði á Króksblóti er þó betra að gert sé upp réttu megin við núllið og hefur það gengið eftir þau tvö ár sem blótið hefur verið haldið. Sá peningur sem eftir stendur þegar allir reikningar hafa verið gerðir upp hafa runnið til góðgerðamála.
Eftir síðasta blót var ákveðin upphæð sett í sérstakan þorrablótssjóð sem gæti orðið einhverskonar trygging fyrir næstu nefndir ef eitthvað vantar upp á því upphafskostnaður fyrir hvert blót er töluverður. Sex fulltrúar sitja í stjórn þorrablótssjóðsins frá þremur árgöngum, fráfarandi- núverandi og komandi árgangi og hafa þeir umsjón með og bera ábyrgð á honum.
Ákveðið var að hluti af hagnaðinum færi til góðgerðamála og að þessu sinni var ákveðið að styrkja ungan Skagfirðing, Ingva Guðmundsson, sem háð hefur baráttu við veikindi undanfarin misseri.
Einnig naut björgunarsveitin Skagfirðingasveit góðs af hagnaðinum því ofan á fast gjald sem hún tók fyrir dyravörslu og aðra vinnu kringum blótið fékk hún 10% hlutdeild í hagnaði.
Þorrablótsnefndin, árgangur 1958, sem nú skilar af sér þakkar öllum þeim fjölmörgu sem komu að blótinu á einn eða annan hátt og segir það komið til að vera.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
