Handritin alla leið heim
Í tilefni 350 ára afmælis Árna Magnússonar handritasafnara gengst stofnun Árna Magnússonar í íslenskum fræðum fyrir sýningum á sex stöðum á landinu í samvinnu við menningarráð landshlutanna, söfn og heimamenn á hverjum stað. Einn þessara staða er Klausturstofa á Þingeyrum. Þar verður til sýnis vönduð endurgerð af Flateyjarbók, en hún verður afhent þann 31. maí næstkomandi.
Flateyjarbók var sett saman að beiðni stórbóndans Jóns Hákonarsonar í Víðidalstungu í Vestur-Húnavatnssýslu. Hún er að mestu skrifuð á árunum 1387–1394, e.t.v. á Þingeyrum, af prestunum Jóni Þórðarsyni og Magnúsi Þórhallssyni sem einnig myndskreytti bókina fagurlega. Flateyjarbók er stærst íslenskra miðaldahandrita en við gerð hennar voru notaðar húðir af 113 kálfum. Noregskonungasögur mynda uppistöðu bókarinnar en frásögnin berst víða um NorðurAtlantshaf, allt til Vínlands.
Árið 1647 eignaðist Brynjólfur biskup Sveinsson handritið og hann gaf það Friðriki 3. Danakonungi 1656. Handritið kom heim 21. apríl 1971 ásamt Konungsbók eddukvæða en sá viðburður markaði upphaf afhendingar handrita úr dönskum söfnum.
Árið 2013 eru 350 ár liðin frá fæðingu Árna Magnússonar handritasafnara en hann fæddist að Kvennabrekku í Dölum 13. nóvember 1663. Kaupmannahöfn varð helsti vettvangur starfa Árna en árin 1702–12 dvaldist hann þó að mestu leyti á Íslandi í umboði konungs ásamt Páli Vídalín varalögmanni. Þeir söfnuðu m.a. efni til jarðabókar og létu taka manntal um allt land. Árna gafst gott tækifæri til að heimsækja þá sem hann hafði grun um að ættu fornar bækur eða bókaslitur. Hann safnaði öllum handritum sem hann komst yfir, jafnvel stökum blöðum og rytjum af bókum, og bjargaði þar með mörgu frá glötun. Um síðir hafði hann eignast stærsta safn íslenskra handrita sem um getur á einum stað. Hann missti hluta þess í brunanum mikla í Kaupmannahöfn árið 1728 en þó er talið að flest skinnhandrita hans hafi bjargast úr eldinum. Árni lést skömmu síðar, 7. janúar 1730, og hafði þá ánafnað Hafnarháskóla safn sitt eftir sinn dag.
Í kjölfar handritamálsins svokallaða, þar sem Danir og Íslendingar deildu um forræði yfir þessum arfi, gerðu þjóðirnar með sér samning um að skipta íslensku handritunum á milli sín þannig að þau yrðu eftirleiðis varðveitt í löndunum báðum. Afhendingu handritanna til Íslands lauk árið 1997 og hafði þá 1666 handritum verið skilað úr Árnasafni í Kaupmannahöfn. Þau eru nú varðveitt á Árnastofnun í Reykjavík.
Í tilefni 350 ára afmælis Árna gengst stofnunin fyrir sýningum á sex stöðum á landinu í samvinnu við menningarráð landshlutanna, söfn og heimamenn á hverjum stað: að Laugum í Sælingsdal, í Vigur, á Þingeyrum, í Menningarhúsinu Bergi á Dalvík, á Skriðuklaustri og í Húsinu á Eyrarbakka. Á þessum stöðum má sjá vandaða endurgerð handrits sem tengist viðkomandi svæði og fræðast um efni þess. Með því er minnt á þá staðreynd að handritin sem söfnuðust til Kaupmannahafnar á 17. öld komu hvaðanæva að af landinu og eru vitnisburður um fjölbreyttan menningararf Íslendinga frá fyrri öldum.
Nánar má lesa um verkefnið á þessari slóð.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
