Glaumbær hlýtur sérstaka viðurkenningu
Hvatningarverðlaun CIE Tours til framúrskarandi fyrirtækja í ferðaþjónustu voru veitt við hátíðlega athöfn á veitingastaðnum MAR Seafood í Reykjavík í gær, 24. febrúar. Þetta er í annað sinn sem verðlaunin eru veitt hér á landi en þau eru einnig veitt árlega í Bretlandi og á Írlandi. Meðal þeirra sem hlutu sérstaka viðurkenningu var Glaumbær Museum.
Verðlaunin byggja á umsögnum frá um 1.000 ferðamönnum sem koma árlega til Íslands á vegum CIE Tours, að mestu frá Bandaríkjunum. Verðlaun voru veitt í fimm flokkum, þau sem skora hæst í ánægju viðskiptavina hljóta gullverðlaun en einnig er veitt sérstök viðurkenning fyrir fyrirtæki sem hljóta yfir 90% ánægju meðal viðskiptavina.
„Með þessum verðlaunum viljum við heiðra þau fyrirtæki sem veita viðskiptavinum okkar framúrskarandi þjónustu og stuðla að ánægjulegri dvöl þeirra á Íslandi,“ segir Stephen Cotter framkvæmdastjóri CIE Tours.
„Það var virkilega ánægjulegt að veita verðlaunin hér á Íslandi, nú í annað sinn. Ísland býður upp á einstaka upplifun fyrir gesti okkar. Við höfum séð stöðugt vaxandi áhuga á Íslandsferðum og erum því stöðugt að þróa nýjar og sjálfbærar ferðir sem gera gestum kleift að upplifa það allra besta sem Ísland hefur upp á að bjóða.“
CIE Tours var stofnað á Írlandi árið 1932 og hefur á 94 ára ferli sínum skipulagt ferðir fyrir yfir þrjár milljónir ferðamanna til Írlands, Bretlands og víðar. Fyrirtækið hóf ferðir til Íslands árið 2019 og býður upp á ferðir um Suðurland en einnig hringferðir um landið með stoppi á Húsavík, Mývatni og Möðrudal svo dæmi séu tekin. Frá fyrstu ferð CIE Tours til Íslands hefur fyrirtækið komið með þúsundir ferðamanna til landsins. Fyrirtækið er eitt það stærsta í skipulögðum ferðum fyrir Norður-Ameríkumarkað.
Fleiri fréttir
-
Framúrskarandi verkefni 2025
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.31Samtök sveitarfélaga á Norðurlandi vestra kallar eftir tilnefningum til framúrskarandi verkefna á Norðurlandi vestra á árinu 2025. Þetta er í sjöunda sinn sem viðurkenningin verður veitt og gert er ráð fyrir að hún verði afhent í lok mars 2026. Viðurkenningarnar eru veittar í tveimur flokkum: Annars vegar verkefni á sviði atvinnuþróunar og nýsköpunar og hins vegar verkefni á sviði menningar.Meira -
Keppni í Meistaradeild KS frestað til föstudags
feykir.is Skagafjörður, Íþróttir 25.02.2026 kl. 09.16Í kvöld átti að keppa í slaktaumatölti T2 í Meistaradeild KS í hestaíþróttum í Reiðhöllinni Svaðastöðum. Vegna slæmrar veðurspár fyrir kvöldið, en spáð er snarpri sunnanátt og snjókomu í Skagafirði, hefur verið tekin ákvörðun um að fresta keppni og verður mótið þess í stað haldið föstudaginn 27. febrúar klukkan 19:00.Meira -
Veður fer versnandi þegar líður á daginn
feykir.is Skagafjörður, Austur-Húnavatnssýsla, Vestur-Húnavatnssýsla 25.02.2026 kl. 09.01Vegir á Norðurlandi vestra er færir en á flestum þeirra er þó hálka eða hálkublettir. Á vegum á Skaga og Tröllaskaga er ýmis skafrenningur eða éljagangur og því vissara að kanna aðstæður áður en lagst er í ferðalög því gert er ráð fyrir snjókomu þegar líður á daginn og auknum vindi þegar kvöldið nálgast.Meira -
Flösku- og dósasöfnun frestað til fimmtudagsins 26. feb.
feykir.is Skagafjörður 24.02.2026 kl. 14.40Flösku- og dósasöfnun sem átti að fara fram á morgun, miðvikudaginn 25. febrúar, hefur verið frestað til fimmtudagsins 26. febrúar og munu iðkendur Körfuknattleiksdeildar Tindastóls ganga í hús á Króknum milli kl. 17-19. Ef þið eruð vant við látin, en viljið gefa nokkrar dósir og/eða flöskur, þá er ykkur velkomið að setja poka fyrir utan hurðina hjá ykkur merkta Tindastól og við kippum þeim með okkur.Meira
