Haraldur Birgisson ráðinn í nýtt starf hjá Fisk Seafood
Haraldur Birgisson hefur verið á sjónum fyrir Fisk seafood í meira en þrjátíu ár en hefur nú verið kallaður í land í nýtt starf. Var hann mjög farsæll bátsmaður á togaranum Málmey SK 1 þar sem hann sá um að allt væri á sínum stað og í standi á dekkinu. Það verður einnig eitt af hans verkefnum í landi eins og á sjónum því mikil tiltekt og hreinsun hefur átt sér stað við og í húsakynnum starfseminnar á Króknum ásamt Hofsósi og Skagaströnd.
Á heimsíðu Fisk segir að Haraldur sé í senn fullur tilhlökkunar og í svolitlum trega. „Það er auðvitað stórt skref að koma í land eftir öll þessi ár. Á móti kemur að það er virkilega gaman að taka við svona snyrtilegu athafnasvæði og bera ábyrgð á því að það drabbist ekki niður. Vonandi verður þetta átak FISK öðrum í bænum, og ekki síst sveitarfélaginu sjálfu, hvatning til þess að bretta líka upp ermarnar. Ef heimþráin til sjómennskunnar verður óbærileg get ég samt vonandi söðlað um aftur þegar búið er að koma þessari viðhaldsvinnu í farveg. Mér þykir vænt um traustið og er staðráðinn í að gera þetta vel,“ segir Haraldur.
Það fer ekki framhjá neinum sem keyrir út á eyrina á Króknum að þar er búið að láta hendur standa fram úr ermum því mikil tiltekt hefur verið í gangi. Tugir tonna af alls konar uppsöfnuðum dóti hefur verið fjarlægt í um 100 gámum. Þá fengu húsakynnin einnig andlitslyftingu bæði að innan og utan og fékk guli liturinn að fjúka fyrir þeim hvíta, var það gert til að samsvara húsin við skipaflota fyrirtækisins.
Það verður því mikið verk fyrir Harald að halda öllum svæðunum í því formi sem það er komið í í dag og óskar Feykir.is honum velfarnaðar í nýja starfinu.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.