Haukastúlkur númeri of stórar fyrir Tindastól
Í gær heimsóttu Haukastúlkur úr Hafnarfirði Tindastól í fyrstu deild kvenna og háðu harða baráttu við ungt lið norðankvenna og höfðu verðskuldaðan sigur sem kom þeim á topp deildarinnar.
Það var erfitt verk fyrir Tindastól að sækja að marki Hauka sem réðu gangi leiksins allan tímann en strax á 4. mínútu þurftu Tindastólsstúlkur að sækja boltann í netið. Þær sýndu þó mikla þrautseigju og vörðust af kappi en nóg var að gera hjá Tótu í markinu sem var betri en engin á milli stanganna. Hún varði hvert skotið af öðru og átti heiðurinn af því að ekki var skorað meira í fyrri hálfleik.
Í seinni hálfleiknum var sama upp á teningnum, Haukar skora í upphafi leiktímans en Tindastólsstúlkur eiga fáar sóknir sem skapa færi. Þegar yfir lauk höfðu Haukarstúlkur skorað 5 mörk gegn engu og verður að segjast eins og er að þaðhafi verið sanngjarn sigur. Það er greinilegt að Haukar leggja mikið í að komast í úrvalsdeildina þar sem þeir hafa fengið 3 erlenda leikmenn til liðs við sig en einn þeirra Brooke Barbuto skoraði þrennu í leiknum.
Bjarki Már þjálfari Tindastóls sagði að fyrirfram var búist við erfiðum leik en hann var mjög sáttur við sitt lið sem lagði sig fram og barðist vel og gerðu sitt besta. Meiðsli eru að hrjá liðið sem gerir stöðuna erfiðari og er vonandi að fari að rætast úr.
Næsti leikur er úti gegn Fram og telur Bjarki að þar gæti náðst hagstæð úrslit sem skiptir miklu máli enda Framliðið í sama styrkleikaflokki og Tindastóll.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
