Haustþing leikskólastarfsmanna á Norðurlandi vestra
feykir.is
Skagafjörður, Austur-Húnavatnssýsla, Aðsendar greinar, Vestur-Húnavatnssýsla
03.09.2025
kl. 09.15
MYND SIGRÍÐUR AADNEGARD
Haustþing starfsfólks leikskóla á Norðurlandi vestra var haldið á Blönduósi þann 29. ágúst síðastliðinn. Þingið er haldið annað hvert ár og nú var komið að leikskólastjórum leikskóla í Húnavatnssýslum að halda þingið með dyggri aðstoð Farskólans. Þingið sóttu alls um 116 starfsmenn leikskólanna.
Dagskráin hófst með kynningu á forvarnaráætlun Norðurlands vestra sem Dagný Rósa Úlfarsdóttir fræðslustjóri í Húnabyggð flutti.
Í kjölfarið hélt Bjartur Guðmundsson leikari og marþjálfi áhugavert erindi þar sem hann kenndi okkur aðferðir til að efla gleði, áhugahvöt og koma sér í „óstöðvandi topp tilfinningalegt ástand“ með það að markmiði að verða betri í því sem maður tekur sér fyrir hendur.
Eftir hádegishlé flutti Eyrún Kristína Gunnarsdóttir sálfræðingur erindi um tilfinningaþroska barna. Fjallaði hún meðal annars um hvernig mæta megi ólíkum þörfum eftir aldri barna með það að markmiði að styrkja sjálfsmynd þeirra og bæta líðan. Að erindi hennar loknu fjallaði Aníta Jónsdóttir, ráðgjafi við Háskólann á Akureyri, um jákvæðan aga og hvernig mætti innleiða slíkar aðferðir í leikskólastarfið. Jákvæður agi gengur út á að móta umhverfi sem einkennist af umhyggju og byggist á gagnkvæmri virðingu, reisn, vinsemd og festu.
Þinginu lauk með síðdegiskaffi þar sem þátttakendur áttu góða samverustund og ræddu um það sem þeir höfðu lært yfir daginn. Um allar veitingar á þinginu sá fyrirtækið Hafa gaman ehf.Þingið þótti einstaklega vel heppnað og gaf starfsfólki tækifæri til að efla fagþekkingu sína og styrkja tengsl við samstarfsfólk af öllu Norðurlandi vestra.
Fyrir hönd undirbúningsnefndar Sigríður B. Aadnegard.
Fleiri fréttir
-
Nóg um að vera hjá Skagfirðingasveit og nýr formaður
feykir.is Skagafjörður, Lokað efni 03.09.2025 kl. 11.15Það var nóg um að vera hjá björgunarsveitinni Skagfirðingasveit um helgina en helgin hófst á afmælishátið sveitarinnar sl. föstudag. Upphaflega planið var þó að halda hátíðina í vor en vegna veikinda varð lítið úr störfum afmælisnefndar og því frestaðist viðburðurinn. Daginn eftir afmælisveisluna hélt sveitin svo með veltibílinn á Sveitasæluna í reiðhöllina Svaðastaði við mjög miklar vinsældir gesta sælunnar.Meira -
Næstflestar umsóknir bárust frá Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 02.09.2025 kl. 17.45Fjölmargar umsóknir bárust í viðskiptahraðalinn Startup Landið, en umsóknarfresti lauk á miðnætti síðastliðinn sunnudag. Startup Landið er sjö vikna viðskiptahraðall sem ætlaður er frumkvöðlum og nýsköpunarverkefnum á landsbyggðinni. Markmiðið er að efla nýsköpun og skapa vettvang fyrir hugmyndir sem geta vaxið og dafnað á landsbyggðinni.Meira -
Sjö af 22 löxum sem bárust Hafró reyndust vera eldislaxar
feykir.is Austur-Húnavatnssýsla, Vestur-Húnavatnssýsla, Lokað efni 02.09.2025 kl. 16.13Húnahornið segir af því að samkvæmt sameiginlegri tilkynningu Matvælastofnunar, Fiskistofu og Hafrannsóknastofnunar um stöðu upprunagreininga laxa sem veiðst hafa, þá hafa samtals 22 laxar borist Hafrannsóknastofnun og sýni úr þeim verið send til erfðagreiningar. Þar af eru sjö fiskar staðfestir eldislaxar og því 15 sem reyndust villtir. Eldislaxarnir veiddust í Hrútafjarðará, Vatnsdalsá, Miðfjarðará og Haukadalsá. Tilkynningar hafa borist um sex laxa til viðbótar með eldiseinkenni.Meira -
Sr. Gylfi Jónsson látinn
feykir.is Skagafjörður, Austur-Húnavatnssýsla, Vestur-Húnavatnssýsla 02.09.2025 kl. 15.06Sr. Gylfi Jónsson er látinn. Gylfi og Solveig Lára bjuggu á Hólastað þegar Solveig gengdi embætti vígslubiskups á Hólum á árunum 2012-2022. Gylfi starfaði í gamla Hofsóss- og Hólaprestakalli og var hægri hönd konu sinnar og mikill gleðigjafi hvar sem hann kom. Hann stjórnaði m.a söngstundum á dvalarheimilinu á Sauðárkróki allt upp í vikulega meðan hann bjó í Skagafirði. Það er margs að minnast og margs að sakna.Meira
