Heilbrigðistofnunin og Glaumbæjarkirkja lýstar bleikar
Í ár er Heilbrigðisstofnunin og Glaumbæjarkirkja lýstar bleikar á vegum Krabbameinsfélags Skagafjarðar. Þetta er hluti af alþjóðlegu átaki en októbermánuður er helgaður baráttunni gegn á brjóstakrabbameini og öðrum krabbameinum hjá konum.
Í október stendur Krabbameinsfélag Íslands fyrir sölu á bleikum slaufum og verður ágóðinn af þeirri sölu notaður til að styðja við baráttuna gegn krabbameini hjá konum. Markmiðið er að selja 50 þúsund slaufur. Slaufan kostar 1.500 krónur og er hönnuð af Ragnheiði I. Margeirsdóttur vöruhönnuði sem vann samkeppni Bleiku slaufunnar í ár. Innblástur er sóttur í þjóðleg klæði formæðra okkar, íslenska þjóðbúninginn og það sem honum fylgir. Í Skagafirði fæst hún hjá Lyfju á Sauðárkróki og Pósthúsinu.. Einnig er til sölu viðhafnarútgáfa úr silfri sem kostar 9.500 kr. Hún fæst hjá Leonard í Kringlunni, Smáralind og Leifsstöð.
Krabbameinsfélag Skagafjarðar hefur verið með margs konar starfsemi undanfarin ár, m.a. greitt leigu fyrir sjúklinga í íbúðum Krabbameinsfélags Íslands í Reykjavík og boðið upp á námskeið fyrir krabbameinssjúklinga og aðstandendur þeirra. Dugur, félag krabbmeinsjúkra og aðstandenda þeirra hefur starfað undir verndarvæng Krabbameinsfélags Skagafjarðar. Starfsemi þess hefur verið lítil undanfarin ár en hefur nú verið endurvakin. Dugur verður með opið hús fyrsta miðvikudag í mánuði í Rauðakrosshúsinu. Krabbameinsfélag Skagafjarðar fjármagnar starfsemi sína aðalega með félagsgjöldum og sölu minningarkorta. Hægt er að gerast félagi með því að hafa samband við Maríu í síma 863 6039. Minningarkort félagsins fást í Blóma og Gjafabúðinni og á Heilbrigðisstofnuninni.
Heilsuboðorð Krabbameinsfélagsins
Hver og ein kona getur gert ýmislegt til að draga úr líkum á að fá krabbamein:
- 1. Reykjum ekki og forðumst reyk frá öðrum. Notum ekki munn- og neftóbak.
- 2. Hreyfum okkur að minnsta kosti í hálfa klukkustund á dag.
- 3. Borðum hollan og fjölbreyttan mat. Neytum grænmetis og ávaxta daglega.
- 4. Forðumst að vera of þungar.
- 5. Takmörkum neyslu áfengra drykkja.
- 6. Vörumst ljósabekki og óhófleg sólböð.
- 7. Öflum okkur upplýsinga um helstu einkenni krabbameina og bregðumst við þeim.
- 8. Forðumst langtímanotkun tíðahvarfahormóna. Verum vakandi fyrir krabbameinsvaldandi
- efnum í umhverfinu.
- 9. Þiggjum boð um að mæta reglulega í leghálsskoðun eftir tvítugt. Verjumst HPV-veirusmiti.
- 10. Skoðum brjóstin mánaðarlega og þiggjum boð um að mæta reglulega í brjóstamyndatöku
- eftir fertugt.
Nánari upplýsingar eru á vefsíðu Krabbameinsfélagsins: www.krabb.is
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.