Héraðsþing USVH haldið í 78. sinn
78. Héraðsþing USVH var haldið sl. miðvikudag, þann 20. mars, í Félagsheimilinu á Hvammstanga og sá Ungmennafélagið Kormákur um framkvæmd þingsins að þessu sinni. Á þingið mættu 27 aðilar frá öllum aðildarfélögum.
Á vef sambandsins kemur fram að miklar og góðar umræður hafi verið á þinginu um starf sambandsins. Stjórn kynnti meðal annars Handbók USVH sem er hluti af því að USVH geti gerst fyrirmyndarhérað ÍSÍ á næstu vikum og voru aðildarfélög hvött til að gerast fyrirmyndarfélög ÍSÍ.
Undanfarin ár hefur stjórn USVH rætt og sett sér það markmið að íþróttahreyfingin á svæðinu sameinaðist um að þrýsta á sveitarfélagið til uppbyggingar á aðstöðumálum og að í stað þess að margar greinar væru að þrýsta á aðstöðu fyrir sína íþróttamenn myndu félögin sameinast um hvað það væri sem byrja ætti á. Í kjölfar skoðanakönnunar meðal íbúa Húnaþings vestra um aðstöðumál og niðurstöðu hennar sammæltust formenn aðildarfélaga USVH um að leggja fram meðfylgjandi tillögu á þinginu og var hún samþykkt samhljóða. „Telur stjórn USVH að um sé að ræða tímamótatillögu þar sem öll aðildarfélög koma saman og sammælast um að hefja eigi uppbyggingu eins félags,“ segir á vef USVH.
Tillagan hljóðar svo:
78. Héraðsþing USVH haldið í Félagsheimilinu á Hvammstanga 20. mars 2019 þakkar sveitarfélaginu Húnaþingi vestra fyrir góðan stuðning og styrki til íþrótta- og æskulýðsstarfs en hvetur jafnframt sveitarfélagið til þess að setja fjármagn í stækkun og breytingu á hringvelli Hestamannafélagsins Þyts til þess að hann samræmist þeim kröfum sem gerðar eru í dag í keppni gæðinga.
Á þinginu var einnig samþykkt að hvetja sveitarfélagið til að vinna að því að verða heilsueflandi samfélag og vera leiðandi í því á Norðurlandi vestra.
Engar breytingar urðu á stjórn nema þær að nýr varamaður kom inn, Þorbjörg Helga Sigurðardóttir fyrir hönd UMF. Hörpu.
Núverandi stjórn skipa:
Reimar Marteinsson, formaður, Ómar Eyjólfsson, gjaldkeri, Sara Ólafsdóttir, ritari, Halldór Sigfússon, varaformaður og Þórey Edda Elísdóttir, meðstjórnandi. Varamenn eru Sveinbjörg Rut Pétursdóttir, Pálmi Geir Ríkharðsson og Þorbjörg Helga Sigurðardóttir.
Þau verkefni sem framundan eru hjá sambandinu eru útgáfa ársritsins Húna á vormánuðum, Kvennahlaupið í júní og svo er stefnt á á góða þátttöku á Unglingalandsmótinu á Höfn í Hornafirði og Landsmóti 50+ í Neskaupstað. Stjórn USVH hvetur alla til virkrar þátttöku á þessum mótum.
Nánar má lesa um störf þingsins á vef UMSV.
Fleiri fréttir
-
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira -
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.