Hestamenn í Húnaþingi halda uppskeruhátíð
Uppskeruhátíð Hrossaræktarsamtaka V-Hún og Hestamannafélagsins Þyts verður haldin laugardagskvöldið 27. október nk. í Félagsheimilinu á Hvammstanga. Samkvæmt heimasíðu Þyts verður þar matur, gleði og gaman.
Skemmtunin hefst stundvíslega kl. 20:00 en húsið opnar kl. 19:30 og þar verður sko stemming, segir á heimasíðu Þyts. Þórhallur Magnús Sverrisson sér um matinn og veislustjórn verður í höndum Ingvars Helga Guðmundssonar.
Á hátíðinni verða hinar ýmsu viðurkenningar veittar af Hrossaræktarsamtökum V-Hún, m.a. fyrir ræktunarbú ársins 2012 en eftirfarandi bú eru tilnefnd.
Efri Fitjar - Grafarkot - Lækjamót
Forsala miða og pantanir fara fram í Söluskálanum á Hvammstanga, sími 4512465, og þarf að vera lokið að kvöldi miðvikudagsins 24. október. Greiða þarf fyrir miðana með reiðufé.
Miðaverð á uppskeruhátíðina er kr. 6.500 og er matur, skemmtun og ball innifalið. Ef einhver vill einungis skella sér á dansleik, í syngjandi sveiflu með Klaufum sem hefst kl 00:00, þá kostar það 3.000 kr.
Loks er tekið fram að allir eru velkomnir á þessa frábæru skemmtun. „Þetta er einstakt tækifæri til að hlæja, gráta og hafa gaman,“ segir á heimasíðunni.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
