HÍ á Hólum tók þátt í Vísindavökunni um liðna helgi
Það segir frá því á heimasíðu HÍ á Hólum að skólinn tók þátt í Vísindavökunni sem fram fór í Laugardalshöll laugardaginn 26. september. Þetta var í fyrsta sinn sem HÍ á Hólum tók þátt sem hluti af Háskóla Íslands eftir myndun háskólasamstæðunnar, en Háskólinn á Hólum hefur um árabil verið virkur þátttakandi í Vísindavökunni.
HÍ á Hólum var með eigin bás á sýningarsvæði Háskóla Íslands þar sem lögð var áhersla á að kynna rannsóknir og starfsemi Fiskeldis- og fiskalíffræðideildar og Hestafræðideildar.
„Stefán Óli Stefánsson, prófessor við Fiskeldis- og fiskalíffræðideild HÍ á Hólum, tók á móti gestum og fræddi þá um íslenska laxfiska. Gestir fengu meðal annars að kynnast helstu einkennum urriða, bleikju og lax og læra hvernig hægt er að greina tegundirnar hverja frá annarri.
Sveinn Ragnarsson, prófessor við Hestafræðideild HÍ á Hólum, kynnti rannsóknir á áhrifum dýra á líðan barna með sérstakri áherslu á íslenska hestinn. Jafnframt voru veittar upplýsingar um ráðstefnu um dýrastudda þjónustu sem haldin var á Hólum fyrr á árinu og um mögulegt námsframboð á því sviði sem nú er í þróun í samstarfi við Háskóla Íslands.
Mikil aðsókn var að básnum yfir daginn og vakti sérstaklega athygli sýndarveruleikaupplifun þar sem gestir gátu farið í „reiðtúr“ á íslenskum hesti með hjálp sýndarveruleikagleraugna. Röð myndaðist að upplifuninni stóran hluta dagsins og sýndu bæði börn og fullorðnir henni mikinn áhuga.
Þátttaka HÍ á Hólum í Vísindavökunni var afar ánægjuleg og gaf gott tækifæri til að kynna fjölbreytt rannsóknar- og fræðastarf skólans fyrir almenningi sem hluta af öflugri heild Háskóla Íslands,“ segir í fréttinni.
Heimild: Hólar.is
Fleiri fréttir
-
Bleika slaufan
feykir.is Skagafjörður, Mannlíf 30.09.2026 kl. 12.35Bjarkirnar, félagsskapur kvenna í Skagafirði, ætla í októbermánuði að hengja upp bleikar útislaufur á ljósastaura við Aðalgötu og Skagfirðingabraut á Sauðárkróki. Með þessu vilja Bjarkirnar leggja Krabbameinsfélaginu lið í baráttunni gegn krabbameini hjá konum. Bleikar útislaufur verða einnig til sölu á 5.000 kr.Meira -
Skýrsla um ástand lands við bakka Blöndu í Langadal með tilliti til landbrots
feykir.is Austur-Húnavatnssýsla 30.09.2026 kl. 12.25Fyrr á þessu ári var birt skýrsla um landbrot á bökkum Blöndu, milli bæjanna Geitaskarðs í norðri og Ártúns í suðri. Úttektin, sem Land og skógur vann, byggði á vettvangsathugunum og greiningu á loftmyndum frá mismunandi tímum. Í niðurstöðum kemur fram að virkjun Blöndu, vegagerð í Langadal og gerð nokkurra varnargarða hafi haft áhrif á rennslismynstur árinnar. Áin hefur í auknum mæli tekið sér ákveðinn farveg, sem hefur bæði aukið staðbundið landbrot og skapað nýtt ræktarland. Sagt er frá þessu á vef Landsvirkjunar.Meira -
Einn besti varnarleikur okkar frá upphafi
feykir.is Skagafjörður, Íþróttir, Lokað efni 30.09.2026 kl. 12.10Feykir hafði samband við Israel Martín þjálfara í morgun og byrjaði á að spyrja hvað honum fannst um leik Tindastóls og Keflavíkur sem Stólastúlkur unnu í gærkvöldi. „Við höfum verið að aðlaga varnarleikinn okkar vegna þess hve fámennur hópurinn er, og meginmarkmið okkar núna er að spila eins góða vörn og mögulegt er þegar við spilum á hálfum velli. Stelpurnar fylgdu leikskipulaginu nánast fullkomlega. Mikil einbeiting. Sennilega einn besti varnarleikur okkar frá upphafi.Meira -
Stólarnir spila í Bristol í kvöld
feykir.is Skagafjörður, Íþróttir, Lokað efni 30.09.2026 kl. 11.25Körfuknattleikslið Tindastóls hefur verið á frægðarferð um Evrópu þar sem þeir leika í ENBL-deildinni. Búið er að leggja tvö lið í parket en það eru BC Jonava frá Litháen og Liapaja frá Lettlandi. Í kvöld mæta Stólarnir Bristol Flyers frá Englandi. Leikurinn hefst kl: 18.45 og er sýndur á þeirri góðu rás. TindastóllTV.Meira
