Hraðbanki á förum frá Hólum
Hraðbanki sem hefur þjónað íbúum Hólastaðar og nærsveitarmönnum frá árinu 2005 var tekinn niður í byrjun vikunnar og fluttur burt. Íbúar staðarins eru óánægðir með aðgerðina og hafa sent harðorð mótmælabréf til Arion banka og skora á stjórnendur hans að hætta við aðgerðina.
„Þetta er auðvitað mjög slæmt, ekki bara fyrir íbúa Hóla, heldur líka fyrir alla þá ferðamenn sem hingað koma. Í auglýsingabæklingum er tekið fram að hér sé hraðbanki þannig að fólk reiknar með því. Svo eru hér nemendur og fólkið í sveitinni í kring notar hann líka,“ segir Aldís Axelsdóttir starfsmaður Hólaskóla. Hún segir íbúa Hólastaðar sára og reiða yfir þeirri skertu þjónustu sem verið er að veita eftir þessa aðgerð. „Okkur finnst hart að sú þjónusta sem íbúar í dreifbýli njóti fari sífellt minnkandi. Það er kannski rétt að minna á að Hólar eru skilgreindir sem þéttbýlisstaður.“
Haraldur Guðni Eiðsson forstöðumaður samskiptasviðs Arion banka segir hraðbankann kominn til ára sinna og ekki útlit fyrir að nýjum verði komið fyrir. Segir hann eftirspurn og nýtingu bankans afar takmarkaða. Einnig sé um að ræða elsta hraðbanka Arion banka sem orðinn var úreltur, rúmlega tuttugu ára gamall. Því hafi verið nauðsynlegt að taka hann úr rekstri. „Hraðbönkum fylgir umtalsverður kostnaður. Bæði er um að ræða fjárfestingu í hraðbankanum sjálfum og þeim hugbúnaði sem honum fylgir, en einnig er kostnaður við áfyllingu og viðhald. Sú litla eftirspurn eftir hraðbankaþjónustu sem er á Hólum er því miður nokkuð frá því að réttlæta fjárfestingu í nýjum hraðbanka,“ segir Haraldur.
Er samkeppni svo lítil í bankageiranum að þeir berjist ekki fyrir því að hafa hraðbanka í byggðakjörnum, þrátt fyrir að þeir séu litlir?
„Samkeppni í bankageiranum er veruleg. Hins vegar þarf að huga að ýmsum þáttum þegar horft er til staðsetningar hraðbanka. Eftir að hafa verið með hraðbanka á Hólum til fjölmargra ára er niðurstaðan nú að endurnýja ekki hraðbankann sem var orðinn úreltur og ráða þar kostnaðarsjónarmið mestu, sem og að næsta hraðbanka er að finna á Hófsósi.“
Fleiri fréttir
-
Ótrúlegur lokakafli færði Stólunum sigur í leik eitt
feykir.is Skagafjörður, Íþróttir, Lokað efni 09.05.2025 kl. 02.10Ef einhverntíann Síkið hefur sótt sigur fyrir lið Tindastóls þá var það í gærkvöldi. Þá tóku Stólarnir á móti grjóthörðum Garðbæingum í fyrsta leik úrslitaseríunnar um Íslandsmeistaratitilinn. Lið Tindastóls virtist í hálf vonlausri stöðu þegar lítið var eftir af leiknum en það var ekki að sjá að nokkur maður á pöllunum hengdi haus. Stuðningurinn var óbilandi og virtist hreinlega smitast í leikmenn okkar liðs sem gerði átta síðustu stig leiksins á 36 síðustu sekúndunum. Það dugði til sigurs, 93-90, og hafa Stólarnir því náð 1-0 forystu í einvíginu.Meira -
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira
