Hræddar um að renna niður gilið
Þrjár stúlkur sluppu ómeiddar þegar bíll þeirra valt á Þverárfjallsvegi um síðustu helgi. Bíllinn valt þrjár til fjórar veltur, út fyrir veg, og stöðvaðist á hjólunum á gilbarmi. „Mikið Guðs lán að ekki varð þarna dauðaslys,“ sagði talsmaður lögreglunnar á Sauðárkróki í samtali við Feyki.
Samkvæmt lögreglunni var hvasst þegar slysið varð og hálkublettir á veginum, en bílveltan átti sér stað skammt frá bænum Þverá. Það hafði skafið með vegriði og bíllinn oltið við það að lenda í snjónum.
„Þegar við nálgumst endann á vegriðinu verður allt hvítt, sem sagt það kemur sterk vindhviða sem feykir með sér snjó svo útsýnið verður mjög takmarkað. Um leið og það gerist keyrum við í frekar háan snjó eða drift eins og það kallast víst, við það missir bíllinn grip. Hálkan sem var fyrir á veginum var ekki til að hjálpa og ég missi stjórn á bílnum þegar við komum útfyrir vegriðið,“ segir Snæbjört Pálsdóttir tvítug stúlka frá Sauðárkróki en hún var ökumaður bílsins.
Snæbjört var á leið til Reykjavíkur í æfingaferð með meistaraflokki kvenna í fótbolta, ásamt systur sinni Hugrúnu Pálsdóttur 16 ára og frænku Maríönnu Margeirsdóttur 17 ára. Hefði bíllin farið eina veltu enn eða endað á toppnum hefði hann líklega runnið niður gilið, því það var svo mikið harðfenni.
Viðtal við Snæbjörtu er að finna í nýjasta tölublaði Feykis.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
