Hrafnhildur Pétursdóttir hlaut samfélagsverðlaun Molduxa
Við setningu 25. Jólamóts Molduxa í körfubolta í morgun var Hrafnhildi Pétursdóttur veitt samfélagsverðlaun Molduxa, sú fjórða í röðinni. Hefur hún unnið af miklum dugnaði að íþróttalífi í Skagafirði í fjölda ára.
Ungmennafélagið Molduxar veitir nú í fjórða sinn Samfélagsviðurkenningu Molduxa, þeim einstaklingi sem hefur á einhvern hátt bætt samfélagið hér í Skagafirði með dugnaði og ósérhlífnu framlagi sem aðrir fá notið. Árið 2015 veittum við viðurkenninguna í fyrsta sinn þegar Skúli Jónsson var heiðraður. Rannveig Helgadóttir fékk viðurkenninguna 2016 og Kári Marísson á síðasta ári.
Í ár komst valnefnd Molduxa að þeirri niðurstöðu að Hrafnhildur Pétursdóttir sé verðugur fulltrúi þessarar viðurkenningar. Hrafnhildur hefur verið öflug í íþróttastarfi á Sauðárkróki eins og margir þekkja. Hefur tekið þátt í starfi yngri flokka hjá Tindastóli í um 20 ár og þar af í stjórn knattspyrnumótanna, Króksmóts og Landsbankamóts í um 15 ár og lék þar stórt hlutverk í allri skipulagningu og utanumhaldi. Hrafnhildur sat í stjórn Knattspyrnudeildar Tindastóls í mörg ár. Hún hefur verið sæmd silfurmerki UMFÍ fyrir störf sín og einnig var hún fyrst til að hljóta starfsbikar Knattspyrnudeildar Tindastóls. Eftir því sem undirritaður kemst næst er Hrafnhildur helst að stússast í kringum heimaleiki Meistaraflokks karla í körfuknattleik eins og allir hafa tekið eftir sem sækja heimaleiki Tindastóls.
Henni tókst einnig afbragðsvel að ala upp einn besta leikmann Dominosdeildarinnar Pétur Rúnar Birgisson sem og Heru systir hans sem gerði það gott í fótboltanum. Þá er ótalinn Brynjar Rafn sem ég fékk til að rifja örlítið upp aðkomu hennar að íþróttum þeirra systkina.
"Hún er frábær fyrirmynd fyrir mann sjálfan og aðra í samfélaginu hversu dugleg hún er, ánægjan að hjálpa til og láta hlutina ganga vel fyrir sig með bros á vör svo gestir og keppendur fari með bros á vör úr Skagafirðinum. Drifkrafturinn og eljan við að fá aðra með sér er ótrúlegt.
Í sambandi við körfuboltann þá hefur hún ávallt verið til staðar að keyra á mótin í yngri flokkunum hvort sem það hefur verið síðan ég og Hera systir vorum að æfa sjálf í denn gegnum yngri flokkana eða núna þegar Pétur Rúnar brósi er. Hefur hún verið samfellt partur að íþróttalífi okkar í Skagafirði í hátt 30 ár. Ávallt er hún til í að hjálpa til svo að okkar íþróttalíf og samfélag blómstri um ókomna tíð," segir Brynjar Rafn.
Síðast en ekki síst á Hrafnhildur aðdáun skylda fyrir að hafa þolað Bigga Rafns í 35 ár sem er samfélagslegt afrek út af fyrir sig. Hann segir: "Ef ég ætti að lýsa Hrafnhildi í einni setningu: ,,Hún vill láta gott af sér leiða.”"
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.