Húnvetnsku laxveiðiárnar standa sig vel
Húni.is segir frá því að veiði er nú lokið í helstu laxveiðiám í Húnaþingi. Blanda bætti met sitt frá því í fyrra um 364 laxa og endaði í 2.777 löxum samkvæmt tölum á vef Landssambands veiðifélaga, Angling.is.
Metið er athyglisvert í ljósi þess að Blanda fór á yfirfall mánuði fyrr í sumar en í fyrra en mikil veiði í upphafi tímabilsins lagði grunninn að góðu sumri í Blöndu að þessu sinni. Þá var stórlax áberandi í Blöndu í sumar.
Veiði í Svartá var mjög góð í sumar þar sem 562 laxar komu á land í samanburði við 428 í fyrra. Á vefsvæði Lax-a.is segir að elstu skrásettu veiðitölur úr Svartá séu frá 1974 og hafi aðeins eitt ár verið betra en árið í ár en það var árið 1998 þegar rúmlega 600 laxar komu á land. Þá segir að stórlaxahlutfallið í Svartá í ár hafi verið eitt það besta sem skráð hafi verið en 65% af veiddum löxum voru yfir 3,5 kíló eða yfir 70 cm.
Vatnsdalsá gaf 1.223 laxa í sumar sem er 297 löxum færra en í fyrra. Veiði hefur þrátt fyrir það verið góð með tilliti til stórlaxins. Á vefsvæði árinnar segir að af þeim tæplega 550 stórlöxum sem veiðst hafa í sumar sé meðalþyngd þeirra 5,9 kíló og var stórlaxa hlutfallið um og yfir 50%.
Laxá á Ásum endaði í 763 löxum að þessu sinni sem er 379 löxum færra en í fyrra sem þá var met veiði í ánni. Meðalveiði á stöng á dag er samt sem áður ágæt eða 5-6 laxar en einungis er veitt á tvær stangir í ánni.
Vel veiddist í Miðfjarðará í sumar eins og síðasta sumar og endaði áin í 4.043 löxum en það er 39 löxum meira en í fyrra. Víðidalsá náði ekki að fylgja eftir frábæru sumri í fyrra og endaði að þessu sinni í 1.254 löxum sem er 765 löxum færra en í fyrra. Af öðrum ám í Húnaþingi má nefna að í Hrútafjarðará og Síká veiddust 503 laxar og í Hallá voru 75 laxar komnir á land í lok ágúst en nýjar tölur vantar úr ánni.
Af þessum tölum má sjá að Húnvetnsku laxveiðiárnar hafa svo sannarlega staðið fyrir sínu enn eitt sumarið.
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.