Illugi opnaði sýninguna Brasilíufararnir
Vesturfarasetrið á Hofsósi fagnaði 20 ára afmæli sínu síðast liðinn laugardag. Fjölmargir lögðu leið sína í Félagsheimilið Höfðaborg til að samfagna á þessum tímamótum. Á eftir var haldið í Gamla Kaupfélagið við höfnina, þar sem Illugi Gunnarsson, mennta- og menningarmálaráðherra opnaði sýninguna Brasilíufararnir. Var viðstöddum síðan boðið að þiggja kaffiveitingar í hátíðarsal Vesturfarasetursins í Frændgarði.
Afmælishátíðin, sem haldin var í Félagsheimilinu Höfðaborg, hófst með því að Karlakórinn Heimir hóf upp raust sína og opnaði dagskrána. Helgi Ágústsson, sendiherra og formaður stjórnar Vesturfarasetursins, bauð svo gesti velkomna og stjórnaði hátíðardagskránni. Frú Vigdís Finnbogadóttir, fyrrverandi forseti Íslands og verndari Vesturfarasetursins flutti svo hátíðarávarp.
Því næst flutti Illugi Gunnarsson, mennta- og menningarmálaráðherra ávarp. Í máli Illuga kom fram að langafi hans og langamma hefðu búið í Fljótunum og litlu hefði munað að þau flyttu til Vesturheims. Sturla Sigurjónsson, sendiherra Íslands í Kanada flutti einnig ávarp. Þá mæltu Robert Fredrickson og Mallory Swanson mælir fyrir munn fólks af íslenskum ættum í Kanada Bandaríkjunum. Loks flutti Valgeir Þorvaldsson, framkvæmdastjóri Vesturfarasetursins ávarp og Karlakórinn Heimir lauk dagskránni með söng.
Þeir sem tóku til máls voru einróma um að með stofnun Vesturfarasetursins og rekstri þessi hefði verið unnið grettistak. Þá töluðu fulltrúar fólks af íslenskum ættum í Kanada og Bandaríkjunum um hversu dýrmætt það væri samlöndum þeirra að geta aflað upplýsinga um uppruna sinn og heimsótt staði sem það rekur ættir sínar til. Síðar í sumar verður í Feyki opnuviðtal við þau Valgeir Þorvaldsson, stofnanda og framkvæmdastjóra Vesturfarasetursins og eiginkonu hans, Guðrúnu Þorvaldsdóttur.
Nánar er sagt frá hátíðarhöldunum í máli og myndum í 27. tölublaði Feykis sem kom út í dag.
Fleiri fréttir
-
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira
