Íslandsmeistarinn í Vaxtarrækt lagði allt í undirbúninginn
Íslandsmeistarinn í vaxtarrækt, Gunnar Stefán Pétursson frá Sauðárkróki, hampaði titlinum á skírdag eftir harða keppni frá Sigurkarli Aðalsteinssyni. Leiðin að titlinum er löng og ströng, stífar æfingar og niðurskurður á fitu tekur um hálft ár.
Gunnar Stefán hefur stundað vaxtarrækt og lyftingar í um átta ár og segir hann undirbúning fyrir slíka keppni standa yfir allt árið, enda sé sportið hans lífstíll sem hann elski. Aðspurður segir hann Íslandsmeistaratitilinn hafa komið sér á óvart. „En ég neita því ekki að það var ljúft að vinna og klára þetta eftir alla vinnuna og árin sem ég hef lagt í þetta. Ég tók annað sætið í Vaxtarrækt í fyrra, á móti Helga Bjarnasyni, og vissi hvað ég þurfti að bæta til að klára þetta núna. Ég er enn rétt að byrja og held áfram að bæta mig og bæta á næstu árum. Ég stoppa ekki núna og mun koma meira frá mér í þessari grein bæði á innlendri og erlendri grundu,“ segir Íslandsmeistarinn.
Gunnar Stefán starfar sem einkaþjálfari í World Class, og er einnig styrktarþjálfari nokkurra íþróttarmanna og segist alltaf vera að skoða sig um að vinna fyrir einhver íþróttarfélög. Hann er einnig næringarþjálfari, fjarþjálfari (Online training) og keppnisundirbúningsþjálfari og kennir einnig á námskeiðum í World Class, með hóptíma og heldur fyrirlestra.
Gunnar Stefán hampar verðlaunagripnum sem hann fékk að launum í vaxtarræktinni.
„Þetta er full vinna hjá mér, ef vinnu má kalla. Áhugamálið mitt, sem ég elska, er að hjálpa fólki að breyta um lífstíl og legg ég mikið upp úr lífstíl. Sportið sem ég er í er ekkert nema lífstíll en ekki ákjósanlegur hjá mörgum. Ég keppi í þessu mér til gamans en er líka að sprikla áfram í fótbolta og í þrautagreinum og brautum. Ég er mikill íþróttarmaður og vil ég geta gert allt. Hlaupið, lyft og leikið mér í öðrum íþróttum.“
Undirbúningsferlið er langt og strangt og sem dæmi tekur niðurskurður hjá honum oftast um 20-30 vikur. „Ég lagði allt í þetta ferli, nudd tvisvar til þrisvar í viku, kírópraktík, æfingar einu sinni til tvisvar á dag, sex til sjö daga í viku, pósur, borða og pæla í allri næringu en margir telja keppendur borða lítið. Það er rangt og er fólk oft hissa á því hversu mikið maður er að næra sig. Ég er eflaust að borða á við fjögurra til fimm manna fjölskyldu svo þetta er ekkert beint ódýrt en alveg þess virði þar sem ég hugsa mjög vel um líkamann,“ segir Gunnar Stefán.
Ef einhver er ekki að kveikja hverra manna pilturinn er þá eru foreldrar hans Regína Gunnarsdóttir og Pétur Ingi Björnsson á Sauðárkróki.
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.