Jakob færði brúðgumann til nútímans
Sæluvikustykki Leikfélags Sauðárkróks, Svefnlausi brúðguminn, er komið vel til ára sinna því það var sýnt fyrst árið 1924 í Berlín. Jakob S. Jónsson leikstjóri tók að sér að færa verkið til nútímans og Skagafjarðar og var inntur eftir því hversvegna ráðist hefði verið í staðfærslu á verkinu:
" Það er nú einu sinni þannig að verk þola misvel að eldast og Svefnlausi brúðguminn er skrifaður og þýddur á þeim tíma þegar var til dæmis eðlilegt að þéra fólk og þjónustufólk ávarpaði húsfreyjuna með orðunum "náðug frúin" og menn sendu símskeyti útum hvippinn og hvappinn. Þetta er nú allt fremur framandlegt í eyrum nútímamannsins. Það eru ekki margir nú á dögum, sem kunna að þéra og ef einhver segði "náðug frúin" við konu, sem sennilegast er að sé útivinnandi og margfráskilin, þætti það eflaust einkennilegt. Og símskeyti eru varla send nú á tímum. Það er því bæði leikarinn og áhorfandinn sem þarf að taka til sín fornan menningarheim til þess að njóta sögunnar - og þegar um Svefnlausa brúðgumann er að ræða, þá skiptir einfaldlega meira máli að sagan skili sér - þessi eilífi misskilningur milli manna og öll sú flækja sem verður þegar menn fara að taka kolvitlausar ákvarðanir til að bjarga sér úr hverju sjálfskaparvítinu á fætur öðru. Nú, ég fór þá leið að fara eins konar milliveg - það eru notaðir farsímar í stað skeytasendinga, persónur leiksins þúast og stéttaskiptingin sem ríkti fyrir tæpum eitthundrað árum sýnir sig ekki á sama hátt. Það er vonandi að þetta gangi upp og að áhorfendum þyki verkið í nútímabúningi jafn skemmtilegt og okkur hefur fundist á æfingatímanum."
Aðspurður hvort verkið eigi enn við í dag stendur ekki á svari hjá Jakobi:
"Erum við mennirnir ekki enn að gera mistök? Erum við ekki enn að koma okkur í vandræði, sem reynast botnlaus sjálfskaparvíti og sem við reynum að klóra okkur úr - og tökum þá einatt rangar ákvarðanir. Og er þetta ekki í rauninni alltaf jafn fyndið, þegar öllu er á botninn hvolft? Við reyndar búum ekki við það að foreldrar ákveði hvaða manni dætur þeirra skulu giftast, en burtséð frá því þá eiga þessir mannlegu eiginleikar við enn í dag. Og það er hressandi að geta komið í leikhúsið og helgið að gloríum persónanna í Svefnlausa brúðgumanum og leyft sér að gleyma eitt andartak öllum gloríunum, sem maður sjálfur hefur komið til leiðar."
Miðasala er hafin í síma 849-9434, sjá nánar á www.skagafjordur.net/LS
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
