Kærkominn Stólastúlknasigur á liði Þórs/KA
Lið Tindastóls og Þórs/KA mættust á Sauðárkróksvelli í gær í skítakulda en leikurinn var liður í Kjarnafæðismótinu. Gestirnir voru sterkari aðilinn í leiknum og þær gerðu eina mark leiksins snemma í fyrri hálfleik en sem betur fer fyrir heimastúlkur þá var um sjálfsmark að ræða. Lið Tindastóls vann því leikinn 1-0 og ekki ósennilegt að um hafi verið að ræða fyrsta sigurleik Stólastúlkna gegn Þór/KA.
Það var norðangola á Króknum þegar leikurinn fór fram í gærkvöldi og hiti rétt yfir frostmarki. Bæði lið lögðu mikla vinnu í leikinn og það var hlaupið fyrir allan peninginn. Markið kom eftir um stundarfjórðung en þá átti lið Tindastóls ágæta sókn, Mur reyndi sendingu fyrir markið á Hugrúnu en Arna Kristinsdóttir setti boltann í eigið mark.
Lið gestanna reyndi hvað það gat til að jafna leikinn í síðari hálfleik og var lengstum með boltann. Vörn Tindastóls gaf hins vegar fá færi á sér, gerði sárafá mistök, og Amber hirti allt það sem inn á teiginn kom þó á stundum á lokakaflanum hafi lukkan verið í liði Stólastúlkna. Nokkuð var um meiðsli á lokamínútunum og voru nokkrir sterkir leikmenn Tindastóls komnir út af undir lokin en þrátt fyrir að ungar stúlkur kæmu inn í liðið þá tókst gestunum ekki að nýta sér það.
Sigurinn ætti að gefa liðinu sjálfstraust fyrir komandi átök en Pepsi Max deildin fer af stað eftir viku. Lið Tindastóls glímir við meiðsli en Jackie tók ekki þátt í leiknum gær og sömuleiðis voru þær Aldís María og Guðrún Jenný fjarri góðu gamni.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.