Kaffi Króks Rallý fór fram um helgina
Þriðja umferð Íslandsmótsins í rallý fór fram um helgina og Bílaklúbbur Skagafjarðar stóð að því með aðstoð góðra. Keppnin fór vel fram og allir skemmtu sér konunglega.
Fyrsti keppnisdagur Skagafjarðarrallsins fór vel fram á föstudaginn sl. og mjótt var á munum milli sæta í keppninni. Ræst var frá Skagfirðingabúð á Sauðárkróki kl 18:00 og fyrsta sérleiðin var ekin til vesturs um gamla veginn Þverárfjalll. Þverárfjallið var blautt og hált og akstursaðstæður mjög krefjandi. Næstu sérleiðir voru síðan eknar innan bæjarmarka Sauðárkróks, þar sem keppendur geystust um hafnarsvæðið.
Staðan eftir fyrsta daginn var þannig að systkinin Daníel og Ásta voru í fyrsta sæti með 7 sekúnda forskot á Baldur og Aðalstein. Í þriðja sæti fjórum sekúndum á eftir öðru sætinu voru Valdimar Jón og Skafti.
Á síðari keppnisdeginum sem var á laugardaginn voru eknar sérleiðir um Mælifellsdal, Vesturdal og loks um Nafir sem liggja ofan Sauðárkróks.
Skemmtilegt er frá því að segja að í hópi keppenda var nýlíði sem þreytti frumraun sína í rallakstri, Arnkell Arason, með föður sinn sér við hlið, Ara Arnórsson sem hefur öllu lengri reynslu af íþróttinni.
Í keppendahópnum eru einnig systkyni, feðgin og feðgar svo segja má að áhugi á ralli leggist þyngra á sumar fjölskyldur en aðrar.
Skagafjarðarralli lauk á laugardaginn og úrslit eru komin inn á vefsíðu Bílaklúbbs Skagafjarðar og hægt er að skoða þau hér.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
