Kaup Brunavarna Austur-Húnvetninga á nýju húsnæði samþykkt
Á fundi sveitarstjórnar Húnavatnshrepps sem haldinn var þriðjudaginn 28. janúar, samþykkti sveitarstjórn, fyrir sitt leyti, kaup Brunavarna Austur-Húnvetninga á fasteign að Efstubraut 2 á Blönduósi. Ennfremur samþykkti sveitarstjórnin að veita einfalda ábyrgð vegna lántöku Brunavarna Austur-Húnvetninga hjá Lánasjóði sveitarfélaga, að fjárhæð 70.000.000 kr. vegna kaupanna.
Sveitarstjórn Húnavatnshrepps frestaði afgreiðslu þessa máls á síðasta sveitarstjórnarfundi og gerði þá athugasemd að samkvæmt núgildandi samþykktum væri stjórn Brunavarna ekki rétt kjörin samkvæmt samþykktum Byggðasamlags um Brunavarnir í Austur-Húnavatnssýslu. Við því hefur verið brugðist og í fundargerð sveitarstjórnar Húnavatnshrepps eru forsvarsmönnum Blönduósbæjar þökkuð skjót viðbrögð við ábendingum um vanhæfi stjórnarmanna Blönduósbæjar í Byggðasamlagi um Brunavarnir A.-Hún.
Í fundargerð segir ennfremur að sveitarstjórn Húnavatnshrepps telji nauðsynlegt að gera breytingar á samþykktum Byggðasamlags um Brunavarnir þar sem meðal annars verði kveðið á um framkvæmdastjóra. Engin ákvæði séu um framkvæmdastjóra í samþykktum þess og því röng stjórnsýsla að sveitarstjóri Blönduósbæjar titli sig sem framkvæmdastjóra Byggðasamlagsins og vinni fyrir það sem slíkur.
„Á meðan unnið er eftir óbreyttum samþykktum telur sveitarstjórn Húnavatnshrepps eðlilegt að sveitarstjóri Húnavatnshrepps sitji stjórnarfundi Brunavarna,“ segir í fundargerð.
Tengdar fréttir:
Brunavarnir Austur-Húnvetninga kaupa nýtt húsnæði,
Afgreiðslu frestað vegna kauptilboðs Brunavarna Austur-Húnvetninga,
Byggðaráð Blönduósbæjar skipar í stjórn Byggðasamlags um brunavarnir.
Fleiri fréttir
-
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira -
Húnvetningar snéru vörn í sókn með góðum sigri
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.Meira -
Tindastólsmenn á góðu róli
feykir.is Skagafjörður, Íþróttir, Lokað efni 10.05.2025 kl. 23.37Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigurMeira -
Eins og að smala köttum að koma Herramönnum saman
feykir.is Skagafjörður, Lokað efni 10.05.2025 kl. 15.05Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.Meira -
Kári Viðarsson handhafi Landstólpans 2025
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.Meira
