Króksamót Tindastóls í minnibolta
Körfuknattleiksdeild Tindastóls heldur nú í fyrsta skiptið sitt eigið minniboltamót, sem ætlað er krökkum frá 6 – 11 ára. Mótið verður næstkomandi laugardag kl. 11 – 16 í Íþróttahúsinu á Sauðárkróki. Mótið er kennt við lukkudýr körfuknattleiksdeildarinnar Króksa og heitir því „Króksamót Tindastóls í minnibolta“.
Nú þegar hafa lið frá Borgarnesi, Hvammstanga, Skagaströnd og Akureyri boðað komu sína auk iðkenda frá Tindastóli allt frá 1. upp í 6. bekk. Engin stig eru talin á mótinu, áherslan lögð á skemmtun og fjör og að allir fái að vera með. Til skemmtunar verður m.a. troðslusýning meistaraflokksleikmanna.
Mótsgjaldið er kr. 1.500 og fá allir sérstaka mótsboli sem FISK Seafood gefur þátttakendum, auk þess sem allir snæða sameiginlega máltíð í lok móts, sem Jón Dan og hans fólk í Skagfirskum mat töfrar fram.
Áætlað er að um 150 krakkar taki þátt í þessu fyrsta móti, en áherslan var lögð á að kynna það úti á landsbyggðinni.
Nánari upplýsingar verða settar inn á tindastoll.is þegar líður á vikuna.
Mótstjóri er Rúnar Birgir Gíslason.
Fleiri fréttir
-
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira -
Tindastólsliðið tuskað til í Umhyggjuhöllinni
feykir.is Skagafjörður, Íþróttir, Lokað efni 11.05.2025 kl. 23.57Tindastóll heimsótti lið Stjörnunnar í Garðabæinn í kvöld en þar fór fram annar leikur liðanna í úrslitaeinvíginu um Íslandsmeistaratitilinn. Það varð fljótlega ljóst að Stjörnumenn voru einbeittari og ákafari og voru lengstum með yfirhöndina í leiknum. Aðeins einu stigi munaði þó í hálfleik en í síðari hálfleiknum fóru öll hjólin undan Stólarútunni. Er nokkuð ljóst að Benni þjálfari þarf að endurræsa hugbúnaðinn hjá sínum mönnum. Lokatölur 103-74 en staðan í einvíginu 1-1 og næsti leikur verður í Síkinu á miðvikudag.Meira
