Kvennakórinn Sóldís fagnar tíu ára starfi
Kvennakórinn Sóldís fagnar því á þessu ári að tíu ár eru liðin frá stofnun hans og er þetta starfsár því það tíunda í röðinni. Kórinn var stofnaður af þremur kraftmiklum konum, þeim Drífu Árnadóttur á Uppsölum, Sigurlaugu Maronsdóttur á Sauðárkróki og Írisi Olgu Lúðvíksdóttur í Flatatungu en þær hafa skipað stjórn kórsins frá upphafi. Stjórnandi kórsins er er Helga Rós Indriðadóttir.
Einn af föstum liðum í starfi kórsins eru konudagstónleikar í Miðgarði. Þeir verða haldnir á morgun, konudag, klukkan 15:00. Söngskráin er fjölbreytt aðvanda og auk einsöngvara kórsins, Írisar Olgu og Ólafar Ólafsdóttur, ætlar kórstjórinn, Helga Rós Indriðadóttir, að syngja einsöng að þessu sinni og er það sannarlega tilhlökkunarefni en eins og margir vita á Helga að baki glæstan feril sem óperusöngkona við óperuna í Stuttgart í Þýskalandi. Meðal laga sem kórinn flytur er nýtt lag eftir Eddu Björk Jónsdóttur sem ættuð er úr Fljótum. Lagið er eitt af verkefnum Eddu úr Listaháskólanum síðastliðinn vetur og er samið við ljóð Ólínu Andrésdóttur, Til Kvenréttindafélagsins. Að sjálfsögðu verður svo hið rómaða kaffihlaðborð kórsins, sem boðið er upp á að tónleikum loknum, á sínum stað.
Fljótlega eftir konudagstónleikana ætlar kórinn svo að leggja land undir fót og halda suður yfir heiðar. Þar verður sungið í Langholtskirkju laugardaginn 7. mars klukkan 16:00 og í Vinaminni á Akranesi daginn eftir, sunnudaginn 8. mars klukkan 15:00. Þegar nær líður vori er ætlunin að syngja á Skagaströnd auk hinna hefðbundnu tónleika á Sæluviku og á Heilbrigðisstofnuninni á Sauðárkróki .
Í útrás á afmælisári
Á afmælisári er við hæfi að gera sér dagamun og það ætlar kórinn svo sannarlega að gera. Í byrjun júní er förinni heitið í átta daga ferð til Ítalíu þar sem dvalið verður við Gardavatnið og sungið á tveimur stöðum. Þaðan verður haldið til Þýskalands, til Stuttgart, þar sem Helga Rós er öllum hnútum kunnug enda söng hún, eins og áður segir, um árabil við óperuna þar.
Í nýjasta tölublaði Feykis er að finna viðtal við stjórnanda og stjórnarkonur Sóldísar.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.