Lestrarhestar úr Skagafirði
Iðnhönnuðurinn Katrín Ólína Pétursdóttir frumsýnir al-íslenska húsgagnalínu í tilefni af HönnunarMars, þar á meðal svokallaða U-beygju úr Skagafirði unnin í samstarfi við málmiðjuna Stuðlaberg á Hofsósi. Greint er frá þessu á Fréttatímanum.is.
„Fyrir rúmu ári heimsótti ég Stuðlaberg og sá þar vél sem notuð var til að beygja rör í púst fyrir bíla á árum áður. Í kjölfarið fór ég að kanna möguleika á samstarfi og hafði í huga þróun einfaldra húsgagna sem ég hafði gert prótótýpur af 2 árum fyrr,“ segir Katrín í samtali við Fréttatímann, og á daginn kom að röravélin hentaði fullkomlega fyrir boga sem hún hafði þá þegar gert tilraunir með.
Húsgögnin, svokallaðir Lestrarhestar, spruttu svo upp úr samstarfinu sem hverfist um þennan boga, eða U-beygju eins og Katrín kallar hana og sem tekin er með púströravélinni góðu.
„Samstarfið við Gunnlaug í Stuðlabergi, sem hefur tileinkað líf sitt málmum og vinnslu með þá, hefur verið gefandi og skemmtilegt. Með þessa hugmynd um breyttar áherslur og svæðabundna framleiðslu að leiðarljósi finnst mér áhugavert að ýta undir samstarf hönnuðar og smáiðnaðarfyrirtækis. Í stað þess að málmiðjan sé í verktakahlutverki við þessa framleiðslu er hugmyndin sú að hönnuðurinn og iðjan byggi upp í sameiningu.“
Katrín er menntaður iðnhönnuður frá París og er einna þekktust fyrir ævintýralegan myndheim sem flætt hefur um rými á borð við Listasafn Reykjavíkur og Cristalbar í Hong Kong. Katrín hefur starfað sjálfstætt að hönnun sinni hér heima og erlendis um árabil og vinnur nú að því að útfæra myndheim sinn með tækni 3D-prentunar við rannsóknarsetur Aalto háskólans í Helsinki.
Gömul vél endurræst í nýjum tilgangi
Framleiðsla Lestrarhesta Katrínar er líkt við „Beint frá býli“ hugmyndafræðina þar sem lítil svæðisbundin framleiðsla verður til úr því sem er þegar til staðar og er svo seld milliliðalaust til neytandans. Katrín segir sjálfa framleiðsluaðferðina, og þau tæki og þekkingu sem til staðar er, hafa verið einn meginhvata verkefnisins.
„Í þessu felst að setja saman á nýjan máta, blanda saman og búa til nýtt samhengi. Í stað þess að líta á gamla vél sem ekki hefur verið í notkun í mörg ár sem úrelt tæki er hún tekin í endurmat og endurræst í nýjum tilgangi. Þannig getur lítil framleiðsla orðið til og gamlir hlutir gengið í endurnýjun lífdaga.“
Hægt er að nálgast vörurnar hjá Stuðlabergi eða hjá info@katrin-olina.com.
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
