Líflegur sjómannadagur á Hofsósi
Það var kuldalegt um að litast þegar dagskrá sjómannadagsins hófst á Hofsósi s.l. sunnudag með helgistund við minnisvarðann um látna sjómenn. Hitamælirinn steig ekki hátt og átti það eflaust sinn þátt í að mun færra fólk lét sjá sig á bryggjunni en mörg undanfarin ár. Sem fyrr var það Björgunarsveitin Grettir sem sá um skemmtilega dagskrá í Kvosinni.
Þrátt fyrir kuldann létu krakkarnir sig hafa það að kasta öngli í sjóinn í dorgveiðikeppninni sem reyndar tók skamman tíma vegna kuldans og verður að segjast eins og er að aflinn var mjög dræmur. Þar á eftir var reynt með sér í kararóðri, koddaslag og stakkasundi og voru þau allra hörðustu sem tóku þátt enda ekki fyrir neinar kuldaskræfur að svamla í köldum sjónum.
Eftir skemmtisiglingu var Slysavarnarfélagið Harpa með kaffisölu í Höfðaborg en þangað kom fjöldi fólks og nutu góðra veitinga. Þar fór fram verðlaunaafhending fyrir keppnisgreinarnar en einnig voru aldraðir sjómenn heiðraðir fyrir sín störf en það voru þeir Jón Guðmundsson og Hjalti Gíslason sem lengi voru til sjós og réru lengst af frá Hofsósi.
Björgunarsveitin hefur oft notið góðs af starfsemi og fjáröflunum Hörpunnar og var sú raunin að þessu sinni þar sem Harpan afhenti Gretti fjölnota skanna að gjöf sem kemur sér vel fyrir sveitina. Hofsósingar eiga gott félagsheimili með stóru og góðu sviði, sem kom sér afskaplega vel að þessu sinni þar sem tveimur uppblásnum hoppuköstulum var komið þar fyrir börnunum til mikillar gleði sem hoppuðu úr sér allan hroll ef einhver var.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
