Lífsmark handan fjallsins
Hinrik Már Jónsson á Syðstu-Grund í Skagafirði hefur orð á sér fyrir að geta sagt margt í fáum orðum og nú er komin út ljóðabók þar sem hann glímir við þá íþrótt að semja ljóð í fáum orðum. „Orð eru dýr og þarf að fara sparlega með,“ segir í formála bókarinnar sem ber heitið Lífsmark handan fjallsins.
Hinrik segist hafa fengið hugmyndina að útgáfu bókarinnar í fyrrasumar en eigi samt sem áður þó nokkurn aðdraganda. Hann hefur frá unga aldri dundað sér við að setja eitthvað saman og áhuginn á tungumálinu og texta er sterkur. Hann hefur verið einkar hugfanginn af þeirri list að segja sem mest í sem fæstum orðum.
„Ég hefði aldrei gert þetta nema að búa svo vel að eiga dóttur, Rakel, sem starfar sem grafískur hönnuður í Kaupmannahöfn. Hún hefur verið að ýta á kallinn árum saman að gera eitthvað með þetta sem hefur verið til. Ég fór óvart að taka ljósmyndir og fékk þá hugmynd að það væri hægt að búa til einhverja heild úr mynd og texta. Ég eignaðist síma með góðri myndavél og byrjaði að taka myndi og allar þessar myndir eru teknar á þann síma. Seinni partinn í fyrra sumar ákvað ég þetta og fór í að gera skipulagið, valdi slatta af myndum og setti á Word skjal. Svo settist ég við tölvuna og fór að dunda mér við að setja einhver orð við þetta. Og það er svolítið sérstakt að það fór að rifjast upp einhverjar gamlar línur,“ segir Hinrik sem telur að elstu línurnar séu kannski eitthvað úr æskuljóðunum sem eru honum gleymd. „Ég hugsa að elsta ljóðið í bókinni, sem er nánast óbreytt, sé síðan ég var um tvítugt.
Ég gerði þetta þannig að ég setti einhverja hugleiðingu við hverja mynd, vann það svolítið hratt, og þegar ég var búinn af því fór ég aftur í gegnum þetta. Þá fór ég í það að skera niður, laga og bæta. Hugmyndin er að reyna að sleppa með sem fæst orð.“
Hinrik segir Rakel, dóttur sína, hafa í raun búið bókina til, sett upp og hannað. Og ein ágæt prentsmiðja á Jótlandi sem prentaði.
Enn sem komið er hefur bókin einungis verið til sölu hjá höfundi, verið auglýst á Facebook og öðrum samfélagsmiðlum en fólk getur einnig haft samband við Hinrik í einkaskilaboðum á Facebook eða á netfangið hinrikmar@torg.is. Einnig mega áhugasamir hringja í höfund ef áhugi er á bókinni í síma 8636036.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
