Lillukórinn í 20 ár
Afmælistónleikar Lillukórsins í Húnaþingi vestra verða þriðjudaginn 1. maí kl. 14:00 í Félagsheimilinu á Hvammstanga. Kórstjóri og raddkennari er Ingibjörg Pálsdóttir. Sigurður Helgi Oddsson er stjórnandi kórsins og leikur jafnframt undir á píanó, einnig mun Þorvaldur Pálsson leika undir á harmonikku.
Gestakór verður Álafosskórinn. Stjórnandi hans er Magnús Kjartansson og undirleikari Sigurður Helgi Oddsson. Fjölbreytt söngskrá. Veglegt kaffihlaðborð að hætti kórsins.
Þær konur sem sungið hafa með kórnum í gegnum tíðina eru sérstaklega boðnar velkomnar. Lillukórinn er 20 ára um þessar mundir, hann var stofnaður árið 1992 að frumkvæði Ingibjargar Pálsdóttur (Lillu) tónlistarkennara á Hvammstanga. Á þessu starfsári er kórinn skipaður 24 söngelskum konum, víðsvegar úr Húnaþingi vestra. Þær koma saman á vetrarkvöldum einu sinni í viku og syngja sér til gamans.
Kórinn hefur gefið út tvo geisladiska. „Ég hylli þig Húnaþing“ sem kom út árið 1999 og „Sendu mér sólskin“ árið 2004. Sá seinni var gefinn út til minningar um Pétur Aðalsteinsson frá Stóru Borg, öll lögin eru eftir hann og einnig ljóðin.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
