Magnað lið Kormáks/Hvatar í undanúrslit 4. deildar
Kormákur/Hvöt gerði sér lítið fyrir og lagði Hamar frá Hveragerði í hörkuleik á Blönduósvelli í gær með tveimur mörkum gegn einu og komst þar með áfram í undanúrslit 4. deildar á fleiri mörkum skoruðum á útivelli. Fyrri leikur liðanna fór 3 – 2. Bæði lið misnotuðu víti í leiknum.
Það var heimamaðurinn Diego Moreno Minguez sem skoraði fyrsta mark leiksins rétt áður en dómarinn flautaði til hálfleiks eða á 42. mínútu. Heimamenn í kjörstöðu í hálfleik.
Þegar hálftími var liðinn af seinni hálfleik jafnaði Bjarki Rúnar Jónínuson leikinn og Hamarsmenn með pálmann í höndunum en Minguez var ekki á skotskónum upp á punt. Hann kom heimamönnum yfir á ný þremur mínútum síðar með bylmingsskoti langt utan af velli og kom heimamönnum í 2 – 1 og þannig enduðu leikar.
„Ég var alveg hrikalega ánægður með liðið mitt í gær, það fór ekkert á milli mála að það var mikið í húfi en við vorum staðráðnir í því að ná lengra og að þetta yrði ekki síðasti leikur okkar í sumar. Mínir menn lögðu sig svo heldur betur fram í leiknum, við höfum klárlega spilað betri leiki í sumar en náðum því sem við stefndum á, þannig ég er alveg ótrúlega sáttur,“ sagði Bjarki Már Árnason, þjálfari, er Feykir náði á honum í morgun.
Hann telur liðið eiga fína möguleika á að vinna næsta einvígi en það verði klárlega mjög erfitt. „En ef við spilum eins og við getum þá hef ég fulla trú á að við klárum það með sigri.“
Bjarki Már segir að það sem hafi einkennt lið Kormáks/Hvatar í sumar sé mikil leikgleði og samheldni innan hópsins. „Menn standa saman í þessu frá a-ö og menn eru búnir að leggja mikið á sig til að ná þessum árangri. Við erum svo sannarlega lið!“
Húnvetningar eru því komnir í undanúrslit 4. deildar og leika gegn Ægi frá Þorlákshöfn nk. laugardag 7. september á Blönduósi klukkan 12 og miðvikudaginn 11. september í Þorlákshöfn. Hefst sá leikur klukkan 17:00.
Hér fyrir neðan má sjá seinni hálfleik K/H og Hamars en HÉR þann fyrri.
Posted by Aðdáendasíða Kormáks on Þriðjudagur, 3. september 2019
Posted by Aðdáendasíða Kormáks on Þriðjudagur, 3. september 2019
Fleiri fréttir
-
Besta tónlistaruppeldið frá afa Magga mús
feykir.is Skagafjörður, Tón-Lystin, Lokað efni 20.09.2025 kl. 10.00Þóranna Ásdís Fjólmundsdóttir er alin upp í Austurgötunni á Hofsósi í stórum systkinahópi, fædd árið 2007, og bæði ættuð úr Deildardal í móðurætt og Unadal í föðurætt. Það má því segja að Þóranna sé orginal út að Austan. Pabbi hennar er Fjólmundur Karl Traustason og mamma Linda Rut Magnúsdóttir. Þóranna lærði á píanó frá sex ára aldri til tíu ára en þá tók þverflautan við og hefur hún leikið á hana síðan. Þóranna mælir með því að læra fyrst á píanó, upp á nótnalesturinn.Meira -
Stólarnir lögðu Kormák/Hvöt í hörkuleik
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 19.09.2025 kl. 22.36Það var hörkumæting á stórleikinn á Sauðárkróksvelli í kvöld þar sem Tindastóll og Kormákur/Hvöt mættust í undanúrslitum Fótboltapunkturnet bikarsins. Montrétturinn á Norðurlandi vestra undir og úrslitaleikur á Laugardalsvelli eftir viku og stemningin var eftir því. Liðin enduðu bæði í fjórða sæti í sinni deild; Stólarnir í 3. deild en Húnvetningar í 2. deild. En í bikar er allt hægt og Stólarnir með Manu – nei, ekki Man U – í þrennustuði fögnuðu innilega frábærum 3-1 sigri. Til hamingju Stólar!Meira -
Styrktarleikir fyrir Píeta
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 19.09.2025 kl. 17.00Í tilefni af gulum september og vitundarvakaningu um geðrækt, boðum við til styrktarleikja laugardaginn 20.september í Síkinu þegar bæði karla- og kvennalið Ármanns mæta á Krókinn til að spila æfingaleiki gegn Tindastól.Meira -
Eftirlitsmyndavélar senn settar upp á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.09.2025 kl. 14.21Fyrir rúmu ári sagði Feykir frá því að Lögreglan á Norðurlandi vestra hefði sent sveitarfélögum á svæðinu erindi vegna eftirlitsmyndavéla sem embættið vildi setja upp. Fram kom í fréttinni að Norðurland vestra væri eitt fárra lögregluumdæma þar sem slíkar myndavélar væru ekki í notkun. Nú skýrir Morgublaðið frá því að á næstu mánuðum verði teðar öryggismyndavélar settar upp á nokkrum stöðum á svæðinu í því skyni að lögreglan geti fylgst með umferð inn og út af svæðinu.Meira -
Fjölmennum á Sauðárkróksvöll í kvöld!
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 19.09.2025 kl. 11.59Það er ekki laust við að nokkur spenna ríki á Norðurlandi vestra en í kvöld berjast bræður á grænu gerviengi Sauðárkróksvallar þegar lið Tindastóls tekur á móti grönnum sínum úr Húnavatnssýslunni í undanúrslitum Fótboltapunkturnet-bikarsins. Vonir standa til þess að stuðningsmenn liðanna fjölmenni á völlinn og styðji sitt lið fallega.Meira
