Mark Watson dagurinn á Byggðasafni Skagfirðinga
Í tilefni af afmæli enska aðalsmannsins Mark Watson stendur Byggðasafn Skagfirðinga fyrir dagskrá í Glaumbæ laugardaginn 18. júlí frá kl. 15:30 til 17:30. Viðburðurinn er haldinn í samstarfi við Sögusetur íslenska fjárhundsins og hvetur Byggðasafnið íbúa og gesti til að sækja það heim í tilefni dagsins.
Í tilkynningu á vef Byggðasafnsins segir: „Watson var mikill Íslandsvinur og eiga Skagfirðingar honum margt að þakka, þar með talið rausnarlega peningagjöf til viðgerða á gamla torfbænum í Glaumbæ árið 1938 sem átti sinn þátt í að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans Dagur íslenska fjárhundsins.
Frítt er á safnið í tilefni dagsins fyrir eigendur íslenskra fjárhunda í fylgd með hundunum. Á kaffihúsi safnsins í Áshúsi er góðgæti í boði fyrir menn og hunda. Ókeypis aðgangur er fyrir börn yngri en 18 ára og eru lögheimilisíbúar í Skagafirði minntir á ársmiðann, sem gildir í eitt ár frá kaupum hans óháð fjölda heimsókna.
Fleiri fréttir
-
Ólafur Þór varð fyrir valinu á Skagaströnd
feykir.is Austur-Húnavatnssýsla, Mannlíf 16.07.2026 kl. 09.22Ólafur Þór Ólafsson hefur verið valinn úr hópi 16 umsækjenda til að taka við starfi sveitarstjóra á Skagaströnd. Í frétt á vef sveitarfélagsins segir að gert sé ráð fyrir að sveitarstjórn staðfesti ráðninguna á fundi sínum þann 22. júlí næstkomandi. Ólafur er stjórnmálafræðingur að mennt og með MPA gráðu í opinberri stjórnsýslu frá Háskóla Íslands.Meira -
Hvað er Húnavaka? Þorgils Magnússon svarar
feykir.is Austur-Húnavatnssýsla, Mannlíf, Lokað efni 16.07.2026 kl. 08.05Þorgils er fæddur og uppalinn á Sveinsstöðum í Þingi en hann býr og starfar á Blönduósi. Hvernig upplifir hann Húnavöku?Meira -
Emma Katrín mætt til leiks í Birmingham
feykir.is Skagafjörður, Íþróttir 15.07.2026 kl. 15.21Sumarstarfsmaður Feykis, Emma Katrín Helgadóttir, skottast nú um Birmingham-borg og spilar badminton. Reyndar ekki undir merki Feykis heldur Íslands en hún er einn af fulltrúum U19 landsliðs Íslands á All England Junior mótinu þessa dagana.Meira -
Friðrik ætlar að gera garðinn frægan á Unglinglandsmóti
feykir.is Skagafjörður, Íþróttir 15.07.2026 kl. 14.10Unglingalandsmót UMFÍ verður haldið á Sauðárkróki um Verslunarmannahelgina. Reikna má með lífi og fjöri þar. Feykir heyrði í ungum manni sem ætlar að keppa á mótinu og lagði fyrir hann nokkrar spurningar.Meira
