Meiri Gauragang
Það er heldur betur gauragangur hjá nemendum FNV á Sauðárkróki en nú standa sýningar yfir á þessu geysivinsæla leikriti eftir Ólaf Hauk Símonarson. Hátt í 80 nemendur koma að sýningunni sem fjallar um töffarann og erkiunglingurinn Orm Óðinsson sem vart þarf að kynna. Gunnar Rögnvaldsson leit við á sýningu og sendi Feyki eftirfarandi orðsendingu.
„Í gærkvöldi skrapp ég að sjá sýningu nemenda Fjölbrautaskólans á hinu skemmtilega verki Ólafs Hauks Símonarsonar Gauragangur. Skemmst er frá að segja að uppsetningin er bráðsmellin og öllum þeim sem að henni koma til sóma. Það er á hinn bóginn ekki fyrirhafnarlaust að koma jafn viðamiklu verki á fjalirnar. Leikstjóri, leikarar, sviðsfólk og hljómsveitin hafa lagt á sig gríðarmikla vinnu sem bætist ofan á krefjandi skólastarf og hjá sumum launavinnu að auki. Margra vikna undirbúningur, stífar æfingar fram á kvöld og loks sýningatörn segir okkur að ófáir klukkutímar hafa farið í stykkið. Vissulega fá þátttakendur framlagið metið sem einingu í skólanum, en hitt hlýtur að vega þyngra sem er áhugi unga fólksins að skapa, vera virk, skemmta sér og okkur hinum. Sýnum þessu kraftmikla efnilega fólki að við metum þeirra framlag, fjölmennum á sýningarnar og hvetjum þau til dáða. Þetta er fólkið sem á eftir að skemmta okkur um langa framtíð. Bjóðum þau velkomin á svið“.
Næstu sýningar:
- 5. sýning þriðjudaginn 22. nóvember kl. 20
- 6. sýning miðvikudaginn 23. nóvember kl. 20
- 7. sýning fimmtudaginn 24. nóvember kl. 20
- 8. sýning föstudaginn 25. nóvember kl. 20
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
