Miðfjörðurinn mun nötra
Um verslunarmannahelgina verður Norðanpaunk, ættarmót paunkara, haldið í 11. sinn á Laugarbakka í Miðfirði. Áhersla hátíðarinnar frá upphafi hefur ávallt verið á óvanalega íslenska jaðartónlist, en nokkrar erlendar sveitir hafa einnig mætt á svæðið og spilað fyrir gesti. Hægt að sjá nánar um hátíðina á facebook-Norðanpaunk.
Ein þekktasta hljómsveitin sem kemur fram á hátíðinni er kvennasveitin „Kælan mikla" en í kynningu á Norðanpaunki segir svo:
„ Kælan Mikla ferðast um heim þjóðsagna og ævintýra, galdra og dulspeki. Hljóðræn landslög úr synthum, draumkenndum söng, kvalarópum og drynjandi bassalínum ráða ríkjum og draga hlustendur sífellt dýpra inn í ævintýraheim þeirra. Kælan Mikla var stofnuð árið 2013 og festi sig fljótlega í sessi sem traustur hluti af grasrótar senunni í Reykjavík. Síðan hóf sveitin að ferðast um heiminn og hefur komið fram á tónleikaferðalögum með listamönnum á borð við Chelsea Wolfe, Ville Valo og Alcest. Kraftmikil framkoma Kælunnar Miklu hefur heillað hlustendur um allan heim, þar á meðal Robert Smith úr The Cure, sem hefur boðið hljómsveitinni að spila á nokkrum hátíðum sem hann hefur sjálfur stýrt, bæði í Bandaríkjunum og Bretlandi. Hjarta Kælunnar Miklu á samt alltaf heima í grasrótarsenunni á Íslandi og þær hlakka mikið til að koma aftur fram á Norðanpaunki.”
Auk Kælunnar miklu koma margar aðrar hljómsveitir fram þannig að það verður auðvelt að hrista úr sér hrollinn (ef verður kalt) á Norðanpaunki á Laugarbakka. Feykir skorar á alla laumu paunkara að koma út úr skápnum og drífa sig á Norðanpaunk. /hmj
Fleiri fréttir
-
Aðsend grein: Gjöf kvenna á Íslandi til kvenna á Nýja Íslandi
feykir.is Skagafjörður, Mannlíf 29.07.2025 kl. 08.15Í ágúst 2023 fór hópur á vegum Annríkis-þjóðbúningar og skart í ferð á íslendingaslóðir í Norður Dakóta í Bandaríkjunum og Manitoba í Kanada. Með í för voru Íslenskir þjóðbúningar af ýmsum stærðum og gerðum sem hópurinn spókaði sig í við hin ýmsu tækifæri, gjarnan í yfir 30 stiga hita. Hápunkturinn var þegar Íslenskar konur stóðu heiðursvörð þegar fjallkona íslendingahátíðarinnar í Gimli gekk inn á svæðið.Meira -
Tindastóls drengir lágu fyrir Riddaranum
feykir.is Skagafjörður, Íþróttir, Lokað efni 28.07.2025 kl. 12.55Síðast liðinn laugardag spiluðu heimamenn í 3.deildinni á móti Hvíta riddaranum frá Mosfellsbæ. Tindastólsmönnum gekk illa að finna taktinn og var mikið um ónákvæmar sendingar og mistök. Þetta var klárlega ekki besti leikur Tindastóls þetta sumarið. Leikurinn endaði 1. – 2. fyrir riddarana.Meira -
Rólegheitahundurinn Móri | Ég og gæludýrið mitt
feykir.is Skagafjörður, Lokað efni, Ég og gæludýrið mitt 28.07.2025 kl. 12.00Í bestu götunni á Króknum, Suðurgötunni, búa fimm systkini, þau Margrét Rún, Alexandra Ósk, Viktoría Ösp, Frosti Þór og Ýmir Freyr ásamt foreldrum sínum þeim Írisi Hrönn Rúnarsdóttur og Jóel Þór Árnasyni. Með þessari flottu stóru fjölskyldu býr svo hundurinn Móri en hann er hvítur og mórauður Border Collie. Feyki langaði aðeins að spyrjast fyrir um hann Móra sæta.Meira -
Eva og Inga semja við Tindastól
feykir.is Skagafjörður, Íþróttir, Lokað efni 28.07.2025 kl. 08.42Körfuknattleiksdeild Tindastóls sendir frá sér nýja tilkynningu: Heimastúlkurnar Eva Rún Dagsdóttir og Inga Sólveig Sigurðardóttir munu leika með liði Tindastóls í Bónus deildinni næsta tímabil. Inga Sólveig er að framlengja sinn samning en Eva Rún snýr tilbaka eftir ársdvöl á Selfossi, þar sem hún spilaði með liði Selfoss í 1. deild.Meira
