Mikið um að vera í körfunni um helgina
Það verður í mörg horn að líta um helgina hjá iðkendum körfuknattleiksdeildar Tindastóls um helgina þar sem 10. flokkur stúlkna spilar heima í B-riðli, drengjaflokkurinn á heimaleik við Val og 7. flokkur stúlkna og 9. flokkur drengja keppa syðra.
10. flokkur stúlkna keppir heima í B-riðli og verður leikin tvöföld umferð við KFÍ sem féll niður úr A-riðli síðast og Fjölni, sem sigraði C-riðilinn. Drengjaflokkur spilar hér heima við Valsmenn, en leik liðanna var frestað á dögunum að ósk þeirra Valsmanna. Strákarnir eru ósigraðir í þremur fyrstu leikjum sínum en Valsmenn hafa aðeins unnið einn leik af fjórum. Leikurinn hefst kl. 16.00 að því gefnu að leiktími fjölliðamóts 10. flokks stúlkna standist.
Vegna fjölliðamóts 10. flokks stúlkna og heimaleiks drengjaflokks, færast helgaræfingar niður í barnaskólasal. Þá fer 7. flokkur stúlkna alla leið á Flúðir um helgina og spila stelpurnar þar við Hrunamenn, Ármann, KR og Keflavík í A-riðli.
9. flokkur drengja spilar í Toyota-höllinni í Keflavík í B-riðli og andstæðingar þeirra verða lið Stjörnunnar, Keflavíkur, Hamars/Þórs og FSu.
Meistaraflokkurinn lýkur svo helginni með heimaleik í Lengju-bikarnum gegn Snæfelli.
Nánar á Tindastóll.is.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
