Mikilvægi hrognastærðar fyrir svipfarsbreytileika og aðskilnað stofna
Feykir sagði á dögunum frá því að þrjú verkefni, sem stýrt er af starfsmönnum Háskólans á Hólum, hefðu hlotið styrkloforð frá Rannís. Í sömu frétt var svo sagt nánar frá einu þessara verkefna, sem ber yfirskriftina Líffræðileg fjölbreytni í grunnvatni á Íslandi. Annað verkefnið sem styrkinn hlaut, ber yfirskriftina Mikilvægi hrognastærðar fyrir svipfarsbreytileika og aðskilnað stofna.
Verkefninu stýrir Camille Anna-Lisa Leblanc og með henni starfa þau Bjarni K. Kristjánsson og Skúli Skúlason frá Háskólanum á Hólum, Sigurður S. Snorrason og Zophonías O. Jónsson frá Háskóla Íslands og Katja Räsänen frá EAWAG í Sviss. Auk þess er ætlunin að ráða doktorsnema að verkefninu.
Svipfar lífvera er margbreytilegt, innan og milli tegunda, stofna og systkina. Ein helsta áskorunin innan þróunarfræðinnar er að greina hvaða þættir móta þennan breytileika og hvert mikilvægi hans fyrir afkomu einstaklinga sé. Rannsóknir hafa sýnt að móðuráhrif eru mikilvægur þáttur í mótun svipfars.
Stærð hrogna er dæmi um móðuráhrif hjá fiskum en þekking á áhrifum hrognastærðar á þróun afbrigða og stofna er mjög lítil. Í þessu verkefni beinast rannsóknirnar að bleikju (Salvelinus alpinus) og leitað er svara við eftirfarandi spurningum:
1) Hversu mikill breytileiki er í hrognastærð milli stofna og hvaða áhrif hefur þessi breytileiki á svipgerð og afkomu seiða?
2) Hefur hrognastærð áhrif á þróun mismunandi samsvæða afbrigða?
3) Hversu mikið tengist hrognastærð gentjáningu í fóstrum?
Beitt verður nýstárlegum aðferðum í verkefninu. Lagt verður mat á breytileika í hrognastærð og -fjölda, innan og milli bleikjustofna sem eru á mismunandi stigum í þróun vist- og svipfarslegs aðskilnaðar. Rannsakað verður hvernig þessi breytileiki tengist svipgerð afkvæma innan og milli hrygna. Afkvæmi verða alin á ólíku fóðri til að rannsaka tengsl hrognastærðar og umhverfisáhrifa. Ennfremur verður samband hrognastærðar og genatjáningar fyrir svipgerð afkvæma metið.
Verkefnið mun auka þekkingu á mikilvægum þáttum varðandi mótun og viðhald líffræðilegs fjölbreytileika.
Fleiri fréttir
-
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira
