Myndin Messa í Ábæjarkirkju þótti best
Félag ferðaþjónustunnar stóð í ár fyrir ljósmyndasamkeppninni Skagafjörður með þínum augum. Hægt var að senda myndir í keppnina frá 15. júní til 30. september en tilgangur keppninar var meðal annars að fá sýn þátttakenda á Skagafjörð og að leita eftir skemmtilegu myndefni sem nýst gæti sem kynningarefni fyrir Skagafjörð.
Í fréttatilkynningu sem Félag ferðaþjónustunnar í Skagafirði sendi frá sér segir: „Í keppnina bárust 137 myndir, myndefnið var mjög fjölbreytt og verða myndirnar settar á heimasíðu sveitafélagsins www.skagafjordur.is til að almenningur geti skoðað þær.
Dómarar voru Óli Arnar Brynjarsson, Hjalti Árnason og Guðbrandur Ægir Ásbjörnsson og samkvæmt bestu upplýsingum voru þeir nokkuð samstíga í sínu vali. Dómararnir flokkuðu myndirnar í fimm flokka sem eru mannlíf, listrænt, ljós í myrkri, hestar og landslag. Í hverjum flokki var svo valin besta myndin og niðurstaðan varð eftirfarandi:
1. Mannlíf: Messa í Ábæjarkirkju, höf. Katrín Magnúsdóttir
2. Listrænt: Ernan úr lofti, höf. Norbert Ferencson
3. Ljós í myrkri: Grafarkirkja, höf. Norbert Ferencson
4. Hestar: Hestur að sprella, höf. Christoph Dorsch
5. Landslag: Sólsetur, höf. Einar Gíslason
Verðlaunin voru svo afhent á Grand-inn bar föstudaginn 7. nóvember.
Leitað var til nokkurra fyrirtæki með verðlaun. Verðlaunin sem þau fimm hlutskörpustu fengu voru vegleg. Skrautmen gaf löber og taupoka. Hilma - Hönnun og handverk gaf hringtrefil. Lýtingsstaðir gaf 2 klst. hestaferð fyrir tvo. Viking Rafting gaf ferð fyrir tvo í rafting. Bakkaflöt gaf kajakferð fyrir tvo í Svartá. 1238 Battle of Iceland gaf þrjú gjafabréf fyrir tvo á sýndarveruleikasýningu. Sölvanes, Birkihlíð, Stórhóll og Laugamýri gáfu matarkörfur frá fram-leiðendum Beint frá býli/matur úr héraði.
Myndirnar verða settar á heimasíðu sveitafélagsins www.skagafjordur.is á næstunni svo almenningi gefist kostur á að skoða þær. Félag ferðaþjónustunnar í Skagafirði vill koma á framfæri þakkir til allra þátttakenda, dómara og fyrirtækja sem styrktu okkur með verðlaunum.“
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.