N4 heimsækir Nýprent
Nýprent var til umfjöllunar í þættinum Að Norðan á sjónvarpsstöðinni N4 sl. fimmtudag, þar ræddi María Björk Ingvadóttir við Þuríði Hörpu Sigurðardóttur framkvæmdastjóra fyrirtækisins. Eins og fram kemur í viðtalinu veitir Nýprent fjölbreytta þjónustu, er með einu prentsmiðjuna á Norðurlandi vestra og heldur jafnframt úti eina fréttablaði landshlutans, Feyki.
Þuríður Harpa segir frá starfsemi Feykis og Feyki.is en blaðið hefur verið gefið út í 33 ár á þessu ári. Þegar María Björk spyr hversu mikils virði það sé fyrir samfélagið að hafa fréttablað á svæðinu svarar Þuríður Harpa að hún telji það myndi vanta mjög mikið ef það væri enginn fréttaflutningur af svæðinu frá okkur sjálfum.
„Þetta skiptir ofboðslega miklu máli menningarlega. Það er verið að fletta upp í gömlum blöðum og sjá hvað var í gangi dag frá degi, eða viku frá viku,“ segir Þuríður Harpa.
Fyrirtækið er með átta starfsmenn í vinnu að jafnaði og gefur einnig út auglýsinga- og dagskrárblaðið vinsæla Sjónhornið, sinnir hönnun, umbroti, skiltagerð og margt fleira.
Hér má sjá innslagið um Nýprent í Að Norðan.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
