Nautasteik og eplaeftirréttur með kókos og súkkulaði
Á Mýrum 3 við austanverðan Hrútafjörð búa þau Karl Guðmundsson og Valgerður Kristjánsdóttir ásamt fleira fólki. Á bænum er búið með fjölda nautgripa, 60 kýr og kálfa og einnig á þriðja hundrað fjár, einn kisa og einn hund ásamt þremur hestum.
„Á Mýrum 3 má segja að starfrækt hafi verið mötuneyti því við vorum að byggja vélageymslu og höfðum smiði í mat og kaffi í mars og apríl. Það tíðkast enn til sveita að iðnaðarmenn séu í mat og kaffi. Í maí tók síðan sauðburður við. Það er því oft eitthvað í pottunum eða ofninum,“ sögðu þau Karl og Valgerður sem voru matgæðingar í 22. tbl. Feykis árið 2018 en þau buðu að sjálfsögðu upp á nautasteik og ljúffenga eplaköku í eftirrétt.
AÐALRÉTTUR
Nautasteik með smjörsteiktum kartöflum
Þetta er fljótlegur og góður réttur sem hægt er að undirbúa fyrirfram ef vill.
Hráefni handa 5-6 manns:
1 kg góður nautavöðvi
1½ kg stórar kartöflur
salt
pipar
350 g smjör
Aðferð:
Kartöflurnar skornar í sneiðar. Steiktar í smjöri á pönnu á báðum hliðum og látnar í eldfast mót með kjötinu. Saltað yfir.
Kjötið er steikt á öllum hliðum í smjöri, saltað og piprað, má gera fyrirfram. Kjötið er látið bíða um stund svo kjötsafinn renni minna úr því. Þá er það skorið í ½ cm þykkar sneiðar þvert á vöðvann. Sneiðunum er raðað í eldfast mót. Smjör skorið í sneiðar og lagt ofan á kjötið. Kartöflum raðað meðfram.
Fatið látið í 250°C (480°F) heitan ofn í 15-20 mínútur eða þar til smjörið er hálfrunnið og allt orðið heitt.
Borið fram með salati.
EFTIRRÉTTUR
Eplaeftirréttur með kókos og súkkulaði
Fenginn úr bókinni Seinni réttir. Fleiri uppskriftir úr fórum Jóhönnu Vigdísar, bls. 111
5 epli
2 dl sykur
100 g suðusúkkulaði, smátt saxað
1 dl haframjöl
1 dl kókosmjöl
100 g brætt smjör
Aðferð:
Afhýðið eplin og skerið þau í litla bita. Setjið vatn í pott, bætið ½ dl af sykrinum saman við, látið suðuna koma upp og sjóðið eplabitana í vatninu þar til þeir eru orðnir svolítið mjúkir.
Veiðið eplabitana upp úr soðinu og dreifið þeim á botninn á eldföstu móti. Stráið súkkulaðibitunum yfir. Sáldrið síðan haframjöli, kókosmjöli og því sem eftir er af sykrinum yfir. Bræðið smjörið og hellið því yfir réttinn.
Bakið réttinn í ofni við 175°C í 15-20 mínútur eða þar til súkkulaðið hefur bráðnað og smjörið kraumar.
Þetta er eftirréttur sem sómir sér fullkomlega á hlaðborði eða sem sérréttur með góðu kaffi. Það er ekkert mál að undirbúa hann í tíma og hita svo í ofninum rétt áður en hann er borinn fram. Berið fram með ís eða rjóma.
Þá getur verið gott að nota soðið af eplunum í eplapúns, soð og vodki og drekka heitt.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.