Njarðvíkurstúlkur sterkar í Síkinu
Eftir góðan sigur gegn liði sameinaðra Sunnlendinga (Hamar/Þór Þ) í 1. deild kvenna í körfubolta um síðustu helgi voru Stólastúlkur tæklaðar gróflega í parket í dag þegar fjallgrimmir en góðir gestir úr Njarðvík mættu í Síkið okkar. Heimastúlkur sáu ekki til sólar, frekar en aðrir Skagfirðingar síðustu dagana, og máttu þola stórt tap. Lokatölur 39-77.
Í umfjöllun Hjalta Árna sem birtist á Karfan.is að leik loknum segir: „Njarðvíkingar hófu leikinn með því að spila öfluga svæðispressu gegn heimastúlkum og það skilaði þeim 5-11 forystu eftir rúmlega tveggja mínútna leik. Heimastúlkur náðu að spila sig upp völlinn betur en öflug vörn gestanna gerði þeim erfitt fyrir að setja upp sínar sóknir og Njarðvík leiddi eftir fyrsta fjórðung 10-18. Vandræði heimastúlkna í sókninni héldu áfram í öðrum fjórðung og Njarðvíkurstúlkur gengu á lagið og Chelsea Jennings skoraði grimmt. Um miðjan fjórðunginn var forysta Njarðvíkinga orðin 16 stig og þær litu ekki til baka eftir það heldur bættu í.“
Í hálfleik var staðan 19-41 og sami dansinn var stiginn í síðari hálfleik og lið Njarðvíkur var 27-61 yfir að loknum þriðja leikhluta. Í lokaleikhlutanum náðu Stólastúlkur að skora 12 stig sem var þeirra mesta fjórðungsskor í leiknum. Mestur varð munurinn 44 stig, 30–74, en Karen Lind og Marín Lind náðu að laga stöðuna örlítið í lokin.
Svæðispressa gestanna virtist koma Stólastúlkum í opna skjöldu og fannst engin lausn að þessu sinni. Í viðtali Hjalta við Árna Eggert þjálfara kom fram að þetta kæmi ekki fyrir aftur..
Lið Tindastóls er enn án erlends leikmanns en þegar Feykir hafði samband við Ingólf Jón Geirsson, formann kkd. Tindastóls, nú í kvöld þá tjáði hann blaðamanni að vilji væri til þess að styrkja hópinn hjá stúlkunum með erlendum leikmanni. „Get lítið sagt um það að svo stöddu annað en að þetta er i vinnslu,“ sagði Ingó.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.