Norðanátt og hraglandi í dag
Það er hálfgert leiðindaveður á Norðurlandi vestra sem stendur; gæti svosem verið verra en gæti líka sannarlega verið betra. Reikna má með að veðrið verði svipað í mestallan dag; norðan og norðvestan strekkingur að mestu en lægir örlítið af og til. Þessi fylgir ýmist snjókoma eða lítils háttar snjókoma. Nokkuð hefur snjóað frá í gær og er snjór á flestum vegum.
Hálka er á þjóðvegi 1 í Langadal og vestan Blönduóss og sömuleiðis á Öxnadalsheiði og Holtavörðuheiði en á öðrum vegum er yfirleitt snjóþekja en þungfæri er í Sléttuhlíðinni í Skagafirði og inn í Fljót. Skafrenningur er á Þverárfjallsvegi en má segja að á öðrum vegum á svæðinu sé éljagangur og því vissara að aka með gát.
Það er reiknað með að það hlýni þegar líður á kvöldið og þegar morgnar verður fellur úrkoman ýmist sem slydda eða regn. Veðrið ætti að mestu að vera gengið niður um hádegi á morgun en engu að síður má eiga von á éljagangi eða regni af og til.
Veðurstofan gerir ráð fyrir hægu og tíðindalitlu veðri á laugardaginn en á sunnudag er reiknað með norðaustanátt og hún getur náð sér töluvert á strik vestan fjalla. Það virðist síðan heldur fara hlýnandi upp úr helgi.
Fleiri fréttir
-
Stórir hringir og hjartalaga stuðningur
feykir.is Skagafjörður, Íþróttir, Lokað efni 12.03.2026 kl. 10.21Tindastólsmenn fengu lið Riga Zelli í heimsókn í Síkið í gærkvöldi í 16 liða úrslitum ENBL-deildarinnar. Reiknað var með hörkuleik og það var það sem sannarlega var boðið upp á en því miður þá reyndust gestirnir sterkari, Stólarnir lentu í að elta og gestirnir voru full drjúgir utan 3ja stiga línunnar. Þeir héldu út og sigruðu 94-101 og Stólarnir því úr leik í Evrópudeildinni og sá pakki ekki skoðaður frekar á þessu tímabili.Meira -
Í framlínu – Lögreglumenn segja frá
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.03.2026 kl. 08.10Út er komin bókin Í framlínu – lögreglumenn segja frá og er hún þegar komin í helstu bókaverslanir. Höfundur er Júlíus Ó. Einarsson þjóðfræðingur, sem jafnframt er fyrrverandi lögreglumaður. Í bókinni lýsa tugir lögreglumanna starfi sínu, einstökum verkefnum og upplifunum á meira en 250 blaðsíðum. Einnig eru þar hugleiðingar um eðli lögreglustarfins og áhrif þess á þá sem því sinna og þeirra nánustu.Meira -
Það er Leikur!
feykir.is Skagafjörður, Íþróttir 11.03.2026 kl. 14.42Evrópuævintýri Tindastóls heldur áfram og úrslitakeppni ENBL deildairnnar er hafin. Miðvikudaginn 11. mars – sem er einmitt í kvöld – leikur Tindastóll í 16 liða úrslitum ENBL deildarinnar gegn liði Riga Zelli, frá Lettlandi. Á þessu stigi keppninnar er um hreinan útsláttarleik að ræða og fær Tindastóll heimaleik sem eitt af 8 efstu liðunum, en liðið endaði í 6.sæti deildarinnar.Meira -
Stefán Vagn nýr þingflokksformaður Framsóknar
feykir.is Skagafjörður, Austur-Húnavatnssýsla, Vestur-Húnavatnssýsla 11.03.2026 kl. 14.33Stefán Vagn Stefánsson er nýr þingflokksformaður Framsóknar. Tillaga þess efnis var samþykkt á þingflokksfundi flokksins í Smiðju í dag, 11. mars 2026. Stefán Vagn er oddviti Framsóknar í Norðvesturkjördæmi og hefur gegnt embætti varaþingflokksformans á kjörtímabilinu. Stefán hefur setið á Alþingi frá árinu 2021.Meira
