Norðangarri með tónleika í Hofskirkju á Höfðaströnd 23. september
feykir.is
Austur-Húnavatnssýsla, Listir og menning
03.09.2026
kl. 09.29
Erla Dóra, Jón Þorsteinn og Þórður. AÐSEND MYND
Á tónleikunum verður flutt sambland af þjóðlögum víða að úr heiminum, m.a. frá Mexíkó, Finnlandi, Belgíu, Færeyjum og Tyrklandi, eða alls 13 löndum. Tónlistarhópurinn Norðangarri heldur tónleika í Hofskirkju á Höfðaströnd 23. september kl. 20:00.
Nafn tónleikanna er aðeins tvírætt, en auk þess að fjalla stuttlega um hvert þjóðlag verður komið inn á heiti hvers lands „landa“ (heimabruggs), svona til gamans. Áheyrendur fá á tónleikunum áhugaverða mynd af tónlist sem vex úr jarðvegi ólíkra menningarheima og tungumála. Tónlistin endurspeglar fjölbreytileika mannkynsins - og þá dásamlegu fegurð sem fylgir fjölbreytileikanum.
Fram koma Þórður Sigurðarson, Jón Þorsteinn Reynisson og Erla Dóra Vogler. Öll eru þau þekkt fyrir fyrsta flokks tónlistarflutning og líflega framkomu.
Tónleikarnir hafa áður verið fluttir á tónleikaröð Bláu kirkjunnar sumarið 2024, á þremur stöðum á Norðausturlandi sumarið 2025 (í Deiglunni á Akureyrarvöku, í Húsavíkurkirkju og Reykjahlíðarkirkju) og á Þjóðlagahátíð á Siglufirði sumarið 2026. Tónleikarnir hafa hlotið mjög góðar viðtökur. Gestir skrifuðu m.a. eftirfarandi um tónleikana: „Aldeilis frábær og skemmtileg.“, „Frábærir tónleikar takk fyrir mig“, „Þið eruð svo skemmtileg.“ og „Takk fyrir æðislega tónleika“!
Aðgangseyrir er kr. 3.500,- og verða miðar seldir við innganginn.
Tónleikarnir eru styrktir af Menningarsjóði Kaupfélags Skagfirðinga.
/tilkynning
Fleiri fréttir
-
Malbik komið á 2 km kafla á Öxnadalsheiðinni
feykir.is Skagafjörður 03.09.2026 kl. 10.05Það gleðjast örugglega margir vegfarendur yfir því að klæðingu var skipt út fyrir malbik á tæplega tveggja kílómetra kafla á Öxnadalsheiði milli Skagafjarðar og Eyjafjarðar í lok ágúst. Sagt er frá því á síðu Vegagerðarinnar að framkvæmdin er liður í átaksverkefni stofnunarinnar þar sem malbik er lagt á vegkafla sem mikið mæðir á.Meira -
Hvað er langt á milli as og bes?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 03.09.2026 kl. 09.18Það getur verið skemmtilegt sport að gera smá grín að Vegagerðinni enda um ríkisfyrirtæki að ræða sem flestum finnst að ætti að vera svo gott sem óskeikult - í það minnsta þegar verið er að nota reiknivél. Á Facebook-síðu sinni bendir Gísli Rúnar Jónsson hjá Suðurleiðum á ósamræmi á vegvísum hvað verðar kílómetrafjöldann frá Borgarnesi til Reykjavíkur eftir því hvort þú ert á Blönduósi eða í Borgarnesi.Meira -
Umhverfisviðurkenningar Skagastrandar afhentar
feykir.is Austur-Húnavatnssýsla, Mannlíf 03.09.2026 kl. 08.38Tilkynnt hefur verið um hvaða aðilar fá umhverfisviðurkenningar Sveitarfélagsins Skagastrandar fyrir árið 2026. Það eru annars vegar veitingahúsið Harbour á hafnarsvæðinu og svo hins vegar eigendur Sunnuvegar 1. Ragnheiður Erla Stefánsdóttir, oddviti sveitastjórnar, og Ólafur Þór Ólafsson, sveitarstjóri, afhentu verðlaunin á fallegu haustkvöldi síðasta þriðjudag.Meira -
Líf og fjör í Bifröst um helgina | Sigurlaug Vordís í spjalli
feykir.is Skagafjörður, Mannlíf, Lokað efni 02.09.2026 kl. 18.15Næstu helgi verður mikið um að vera í Bifröst en þá verður mikil markaðsstemning. Húsbændur í Bifröst eru Sigurlaug Vordís og Fúsi Ben. Feykir heyrði í Sillu og spurðist fyrir um hvað væri í gangi?Meira
