Ný starfsstöð Tónlistarskóla Skagafjarðar á Sauðárkróki
Starfsstöð Tónlistarskóla Skagafjarðar á Sauðárkróki mun á næstunni flytja úr Borgarflöt 1 og í húsakynni Árskóla á Sauðárkróki, eins og sagt er frá í fréttatilkynningu frá sveitarfélaginu Skagafirði.
Undanfarin ár hefur kennsla Tónlistarskóla Skagafjarðar verið samþætt í húsakynnum Varmahlíðarskóla og Grunnskólans austan Vatna. „Þetta hefur gefið mjög góða raun á þessum stöðum og almenn ánægja er meðal nemenda, foreldra og starfsmanna með þessa skipan, enda er hlutfall nemenda í tónlistarnámi mun hærra þar en á Sauðárkróki,“ segir í fréttatilkynningunni.
Með þessari samvinnu tónlistarskólans og grunnskólanna hefur tekist að gera öflugt starf tónlistarskólans enn betra enda er litið á starfsemi tónlistarskólans sem afar mikilvægan þátt í skólastarfinu á hverju svæði fyrir sig. „Framtíðarsýn margra hefur verið sú að slíkt yrði einnig gert á Sauðárkróki. Nú er sá draumur að rætast,“ segir ennfremur í fréttatilkynningunni.
Í mars s.l. fól fræðslunefnd sviðsstjóra fjölskyldusviðs að gera tillögur um útfærslu og kostnaðargreiningu verksins. Greinargerð og tillögur voru lagðar fyrir fræðslunefnd og byggðarráð í júní og ákvörðun tekin um framkvæmdirnar í kjölfarið. Undanfarnar vikur hefur verið unnið að breytingum í Árskóla svo koma megi tónlistarkennslunni fyrir þar og er nú verið er að leggja lokahönd á þær framkvæmdir. Á næstu dögum verður flutningurinn endanlega dagsettur.
„Vonir eru bundnar við að flutningur starfsemi tónlistarskólans á Sauðárkróki í Árskóla verði lyftistöng fyrir tónlistarnám barna og unglinga á staðnum og ýti undir enn metnaðarfyllra starf skólans. Einnig eru bundnar vonir við að samstarf þetta efli enn frekar gott samstarf starfsfólks skólanna,“ segir loks í fréttatilkynningunni frá Sveitarfélaginu Skagafirði.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
