Ný starfsstöð Vinnumálastofnunar á Sauðárkróki
Auglýst hefur verið eftir forstöðumanni þjónustuskrifstofu fyrir húsaleigubætur á Sauðárkróki. Um er að ræða nýja starfsstöð Vinnumálastofnunar, sem er tilkomin vegna breytinga á lögum um húsaleigubætur. Áætlað er að forstöðumaður taki til starfa 1. ágúst en starfsstöðin, sem áformað er að skapi tólf til fjórtán störf, hefji starfsemi sína um næsta áramót.
Að sögn Unnar Sverrisdóttur, aðstoðarforstjóra hjá Vinnumálastofnun, segir að hin nýja starfsstöð sé tilkomin í framhaldi af því að samþykkt voru ný lög á Alþingi í vor þar sem verið er að breyta húsnæðisbótakerfinu. „Þetta snýr að þeim sem eru í leiguhúsnæði en vaxtabótakerfið er áfram óbreytt, fyrir þá sem eru í eigin húsnæði. Nú er þetta komið til ríkisins og Vinnumálastofnun var falið að annast framkvæmd og eftirlit með þessum lögum,“ segir hún.
Unnur segir jafnframt að strax hafi verið ákveðið að fara með hina nýju starfsemi út á land þar sem auðveldara sé að fara með það sem er nýtt strax út á land, það sé auðveldara en að rífa upp gamlar stofnanir sem eru orðnar rótgrónar. „Niðurstaðan varð sú að þetta færi á Sauðárkrók. Fyrsta skrefið er að auglýsa eftir forstöðumanni svo hann geti tekið þátt í innleiðingu á þessu.“
Unnur segir að stofnunin taki til starfa á haustmánuðum en lögin taki gildi um áramót. Áðurnefnd lagabreyting felur í sér að húsnæðisbætur til þeirra sem eru í leiguhúsnæði færist frá sveitarfélögum til ríkisins og einnig á hún að leiða til hækkunar á bótum og bæta hag þeirra sem eru í leiguhúsnæði.
Unnur segir að endanleg greining á þeim tólf til fjórtán störfum sem munu skapast eigi eftir að fara fram. „Þetta eru störf sem krefjast alls kyns menntunar, meðal annars tölvukunnáttu. En við eigum eftir að greina þetta endanlega og búa til starfslýsingar en ég geri ráð fyrir að meirihluti starfanna verði fyrir háskólamenntaða.“
Að sögn Unnar eru málefni hinnar nýju starfsstöðvar á byrjunarreit og ekki sé ljóst hvar húsnæði fæst fyrir starfssemina, en þetta muni allt skýrast mjög hratt á næstu mánuðum. Fyrir er Vinnumálastofnun með tvær starfsstöðvar á Norðurlandi vestra, fæðingarorlofssjóð á Hvammstanga og greiðslustofu atvinnuleysisbóta á Skagaströnd. „Reynslan af því er mjög góð og þess vegna fannst okkur þetta upplagt,“ sagði Unnur að lokum.
Fleiri fréttir
-
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira
