Öllum umsóknum hafnað
Staða skólastjóra við Varmahlíðarskóla í Skagafirði er laus til umsóknar. Leitað er að öflugum og framsýnum leiðtoga sem er tilbúinn til að leiða þróttmikið skólastarf og taka þátt í eflingu skólasamfélagsins í héraðinu. Staðan var einnig auglýst fyrir fáeinum vikum og bárust þá sex umsóknir, en meirihluti samstarfsnefndar sveitarfélagsins Skagafjarðar með Akrahreppi samþykkti að hafna öllum umsóknum, á grundvelli mats Capacent á umsækjendum.
Samkvæmt auglýsingunni er á starfssviði skólastjóra að bera ábyrgð á rekstri skólans og daglegri starfsemi, ásamt faglegri forystu á sviði kennslu og þróunar í skólastarfi og ábyrgð á samstarfi við heimili og samfélag. Þess er krafist að umsækjandi hafi starfsheitið grunnskólakennari og viðbótarmenntun í stjórnun eða kennslureynslu á grunnskólastigi, sbr. 12. grein laga nr 87/2008. Einnig hljóða í menntunar- og hæfniskröfur í auglýsingu upp á að viðkomandi skuli hafa reynslu af rekstri, stjórnun og þróunarstarfi, hæfni í mannlegum samskiptum og metnað, skipulagshæfni og leiðtogahæfileika.
Í fundargerð samstarfsnefndarinnar frá því á föstudaginn kemur fram að samþykkt hafi verið á síðasta fundi nefndarinnar að leita til ráðningarfyrirtækis. Sem fyrr segir samþykkti meirihluti nefndarinnar að hafna umsækjendum á grundvelli mats Capacent og ákveðið var að auglýsa stöðuna aftur.
Í fundargerðinni ítreka fulltrúar Akrahrepps að þeir hafi í upphafi lagst gegn því að leitað yrði til ráðningarfyrirtækis og viljað ráða Láru Gunndísi Magnúsdóttir í starfið. Fulltrúar sveitarfélagsins Skagafjarðar óskuðu bókað að þeir hafi ekki viljað taka afstöðu til umsækjenda án faglegs mats á þeim.
Fleiri fréttir
-
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira -
Þrír laxar á land í Miðfjarðará á opnunardegi
feykir.is Vestur-Húnavatnssýsla, Lokað efni 18.06.2025 kl. 09.51Húnahornið segir frá því að laxveiðitímabilið í Miðfjarðará hófst sl. sunnudag og eftir hádegi komu þrír fyrstu laxarnir á land. Einn veiddist í Kambsfossi og hinir tveir í Austuránni. Í fyrra var Miðfjarðará næst aflahæst af laxveiðiám landsins með 2.458 laxa og aðeins Ytri-Rangá sem var með fleiri veidda laxa.Meira -
Kaflaskipt í Kaplakrika
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 09.11Kvennlaið Tindastóls hélt suður í Hafnarfjörðinn síðastliðinn mánudag en þar beið svarthvítt lið Fimleikafélags Hafnarfjarðar eftir þeim. FH-liðið hefur verið flott í sumar og náð í marga sterka sigra og eru fyrir vikið í toppbaráttu Bestu deildarinnar. Leikurinn reyndist kaflaskiptur því gestirnir bitu vel frá sér í fyrri hálfleik en sá síðari var því miður eign FH frá upphafi til enda. Lokatölur 5-1.Meira -
Önnur tilraun til að halda kynbótasýningu á Hólum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira
