Óvenju margir nemendur á Hólastað þessu vikuna
Á heimasíðu Hólaskóla er sagt frá því að Það hefur verið óvenjufjölmennt á Hólastað þessa vikuna, þar sem tveir námskeiðshópar hafa verið boðaðir til skólans í staðbundnar lotu.
Á mánudaginn hófst staðbundin lota í námskeiðinu Náttúru Íslands. Hún var þó ekki staðbundnari en svo að fyrsti dagurinn fór allur í vettvangsferð um Skagafjörð. Það má reyndar deila um hvort tíðarfarið þessa dagana býður upp á mikla útiveru, en kennararnir tveir, Bjarni Kristófer og Stefán Óli, létu sig hvergi en skelltu á sig loðhúfunum og héldu sig við fyrirfram ákveðna dagskrá. Meðal annars lá leiðin að Staðarbjörgunum við Hofsós og fram í Kotárgil.
Á þriðjudag var svo haldið út í náttúruna hér heima á Hólum og ekki var hetjuskapur kennaranna minni þá, þegar þeir - annar hvor eða báðir - ruddu brautina í gegnum skaflana, klæddir vöðlum upp fyrir bringspalir. Síðari hluta dagsins og á miðvikudag var þátttakendum, sem alls telja um 50 manns að staðnemunum meðtöldum, skipt upp í minni hópa sem munu svo skila af sér á sameiginlegum vettvangi síðar í dag. Tíminn í lotunni hefur annars verið vel nýttur og í morgun mátti jafnvel heyra hópana metast á um, hver þeirra hefði „unnið“ lengst fram eftir nóttu.
Seinni part á miðvikudag héldu þessir nemar af stað til síns heima. En í þeirra stað birtust fjarnemar í námskeiðinu Byggðaþróun hjá Kjartani Bollasyni. Með staðnemunum telur sá hópur hátt í 40 manns, og nær staðbundna lotan yfir fimmtudag og föstudag.Það má því segja að vikan hafi verið óvenju fjölmenn og viðburðarík á Hólum.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
