Ráðstefna um náttúruna og auðlindanýtingu
„Hvernig metum við hið ómetanlega? - auðlindir og nýting þeirra“ er yfirskrift ráðstefnu sem Guðbrandsstofnun stendur fyrir í samstarfi við Ferðamálastofu, Landvernd og Orkustofnun um náttúruna og auðlindanýtingu. Ráðstefnan verður haldin á Hólum í Hjaltadal 16.-17. apríl.
Ráðstefnugjald er 4.000 kr. Innifalið í því er hádegisverður og kaffi, báða dagana. Skráning á ráðstefnuna er á heimasíðunni: http://goo.gl/forms/NjHACjJYdI.
Dagskrá ráðstefnunnar er eftirfarandi:
- 9:00 16. apríl, morgunverður
- 10:00 Setning ráðstefnunnar sr. Solveig Lára Guðmundsdóttir, vígslubiskup
- 10:30 Sólveig Anna Bóasdóttir Hið ómetanlega: Er náttúran og auðlindirnar ómetanlegar? Hvers vegna ef svo er? Hvað merkir ómetanlegt? Hvernig metum við, virðum og lifum með hinu ómetanlega?
- 11:30 Umræður
- 12:00 Hádegisverður
- 13:00 Auðlindir og ábyrgð: Hvað gerir auðlind? Hvenær hættir landssvæði að vera bara til – og fer að vera til fyrir tiltekna hagsmuni? Hver er ábyrgð okkar í því ferli?
- 15:00 Umræður og kaffi
- 16:00 Auðlindanýting í hnattrænu samhengi: Nærumhverfi-þjóðarumhverfi-heimsumhverfi– hvaða skuldbindingar, réttindi og mögulegur ágreiningur tengjast misþröngri sýn á auðlindanýtingu?
- 18:30 Pétur Gunnarsson Hvernig metum við hið ómetanlega?
- 19:30 Kvöldverður úr matarkistu Skagafjarðar
- 8:00 17. apríl, morgunverður
- 9:00 Endurnýjanleiki og sjálfbærni: "Svört" eða "hvít" náttúruvernd; nýting og varðveisla auðlinda – mismunandi sjónarmið? Manngert umhverfi og náttúra – hvenær rennur þetta í eitt?
- 11:00 Umræður
- 11:45 Hádegisverður
- 13:00 Kerfisvöld-þjóðarhagur: Kerfi hverra, skipuð af hverjum og fyrir hverja? Árekstrar við þjóðarhag – í nútíð og framtíð? Takmörkun möguleika eða útvíkkun?
- 15:00 Samantekt og ráðstefnuslit, kaffi
Erindi flytja: Anna Dóra Sæþórsdóttir Háskóla Íslands, Arnheiður Eyþórsdóttir Háskólanum á Akureyri, Ágúst Valfells Háskóla Reykjavíkur, Árni Einarsson Rannsóknastöðinni við Mývatn, Ásdís Hlökk Theodórsdóttir Skipulagsstofnun, Daði Már Kristófersson Háskóla Íslands, Georgette Leah Burns Háskólanum á Hólum, Guðbjörg R. Jóhannesdóttir Háskóla Íslands, Hilmar Malmquist Náttúruminjasafni Íslands, Hjalti Hugason Háskóla Íslands, Kristinn Einarsson Orkustofnun, Ólöf Ýrr Atladóttir ferðamálastjóri, Sólveig Anna Bóasdóttir Háskóla Íslands
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
