Rannsóknin í Hegranesi í fullum gangi
Eins og greint hefur verið frá í Feyki styrkir Bandaríski rannsóknarsjóðurinn (NSF) Byggðasafn Skagfirðinga ásamt bandaríku rannsóknarteymi til þriggja ára fornleifa- og jarðsjárrannsókna á skagfirskri kirkju- og byggðasögu. Teymið er nú komið til landsins og stendur rannsóknin sem hæst, eins og fylgjast má með á nýrri bloggsíðu verkefnisins.
Bandaríski hópurinn er undir stjórn John Steinberg og Douglas Bolender frá Massachussets háskóla í Boston (UMASS). Þeir eru Skagfirðingum að góðu kunnir þar sem að þeir hafa unnið að fornleifarannsóknum og jarðsjármælingum í Skagafirði frá 2001. Hópurinn hefur verið að þróa aðferðarfræði við að nota kjarnabora og jarðsjármælitæki til að meta aldur og stærð jarða, og með því greint breytingar á umfangi einstakra bæja og byggðamunstur stærri svæða.
Byggðasafnið hefur unnið að kirkjusögurannsóknum (Skagfirsku kirkjurannsókninni) frá 2008 en þó má segja að grunnur þess verkefnisins hafi verið í óvæntum fundi og allsherjar uppgreftri kirkjugarðs og kumlateigs í Keldudal árin 2002-3. Fornleifarnar í Keldudal sýndu fram á hversu mikil saga er fólgin í jörðu án þess að nokkur heimild finnist um þær eða ummerki á yfirborði.
Í framhaldinu ákvað safnið að kanna frekar hvar og hvernig best væri að finna og greina forna kirkjugarða, og var þá horft til þess að hægt væri að staðsetja þá og þar með forða þeim frá skemmdum vegna framkvæmda ýmiskonar. Þessi rannsókn vatt upp á sig og nú er búið að staðsetja 11 forna kirkjugarða. Að auki hefur 11. aldar kirkjugarður og kirkjuleif að Seylu á Langholti verið grafinn upp. Guðný Zoëga, deildarstjóri fornleifadeildar safnsins, er ábyrðaraðili rannsóknanna fyrir hönd þess í verkefninu.
Rannsóknin hófst á þessu ári og lýkur 2017. Í júní hófust starfsmenn Byggðasafnsins handa við heildar fornleifaskráningu Hegraness. Á dögunum kom svo hópur sérfræðinga og nema frá Bandaríkjunum og verður fram í miðjan ágúst. Með starfsmönnum Byggðasafnsins verða því um 20 manns við rannsóknir í Hegranesi í sumar. Auk áðurnefndrar bloggsíðu má fylgjast með á fésbókarsíðu verkefnisins, þar sem m.a. er að finna fjölda drónamynda frá rannsókninni.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
