Rekinn í fjörunni
Á árum áður þótti gott að hafa ítök í reka sem barst á land og gátu skapast skærur milli manna vegna þeirra. Voru þá mestu verðmætin talin í rekavið og hvalreki þótti hin besta guðsgjöf. Á fjörur Sauðárkróks rekur ýmislegt sem ekki er talið nytsamlegt í dag eins og við höfum áður greint frá, s.s. eins og seli og lindýr.
Þeir voru fimm selirnir sem lágu í fjörunni fyrir skömmu, en talið var að þeir hefðu hrakist af skeri í óveðri sem geisaði um það leyti.
Fyrir stuttu fundust fimm dauðir selir í fjörunni, kópar sem höfðu ekki náð nægum þroska til að bjarga sér í sjónum og líklega drukknað í óveðri sem skall á fyrr í vetur. Lágu þeir í beinni röð á um 800 metra löngum kafla.
Þetta torkennilega lindýr var greint á Fésbókarsíðu Feykis.is, af Bjarna Jónssyni fiskifræðingi og forseta sveitarstjórnar Skagafjarðar, sem bertálkni, tegund lindýra (Opisthobranchia; undirættbálkur: Nudibranchia), þ.e. snigill sem hefur tapað skelinni.
Svo fannst eitthvert lindýr sem er svo sjaldséð á Íslandi að það hefur ekki enn hlotið íslenskt nafn.
Hér sést hvernig rekin getur verið misjafn. Dauð geit og rétt hjá þessi fíni rekaviður.
Í fjörunni lá í upphafi viku hræ af geit sem einhversstaðar hefur misst fótanna og fallið í sjóinn en ekki finnast heimildir um það að ósætti hafi komið upp milli manna hér áður fyrr af slíkum reka. En af ummerkjum að dæma er krummi ánægður með veisluna sem forsjónin færði honum.
Þessi myndarlegi gervilimur rak á fjörur Sauðárkróks í haust. Ekki fer sögum af því hvar hann er niðurkominn nú en þrátt fyrir ítrekaða leit hefur blaðamaður Feykis ekki rekist á hann. Mynd: Sigrún Fossberg
Í haust var svo kona ein á labbi í fjörunni og sér plastpoka og eitthvað ofan í honum sem hún hélt að væri barnshendi. Hryllti henni við sýninni og opnaði pokann betur þá sér hún hvers kyns var. Þarna blasti við henni ógnar stór drjóli ættaður úr einhverri hjálpartækjabúðinni. Sagðist hún hafa hrokkið við og farið heim að vísu ekki með rekann.
Samkvæmt heimildum Feykis er talið að um aðkomudrjóla sé að ræða.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
