Rífandi sala á lambakjöti – sölumet í nóvember
Innanlandssala á lambakjöti hefur verið mjög góð að undanförnu. Samkvæmt nýjum tölum Matvælastofnunnar jókst salan í nóvember um 31,8% miðað við sama mánuð í fyrra. Sé litið til þriggja mánaða sölu, þ.e. september, október og nóvember, blasir við við 6,8% söluaukning miðað við sama tímabil í fyrra. Sala síðustu 12 mánaða er upp um 5,8%.
Metsala í lambakjöti
Svavar Halldórsson framkvæmdastjóri Markaðsráðs kindakjöts fagnar þessum fréttum. „Ég hef ekki séð annan eins kipp í einum mánuði frá því að ég byrjaði, þetta er met“, segir Svavar. „Við lítum yfirleitt alltaf á þriggja mánaða töluna sem gefur bestu myndina af því sem raunverulega er að gerast og hún er mikið fagnaðarefni.“
Þjóðarrétturinn í sókn
Margir samverkandi þættir hafa stuðlað að þessum góða árangri segir Þórarinn Ingi Pétursson, formaður Landssamtaka sauðfjárbænda. Afurðarstöðvar hafi þróað nýjar vörur og verð á lambakjöti sé mjög hagstætt hér á landi. „Langbesti markaðurinn okkar er hér innanlands og Íslendingar eru meðvitaðir um að lambakjötið er þjóðarrétturinn.“ Svo má auðvitað ekki gleyma því að lambakjötið er vinsælasti jólamaturinn. Hangikjötið ber höfuð og herðar yfir allt annað á jóladag á borðum Íslendinga samkvæmt rannsóknum. „Svo sjáum við að lambalæri er í mikilli sókn miðað við sölutölur.“
Neytendur og bændur í sama liði
Ef litið sé til sölu síðustu 12 mánaða sést að salan hefur aukist um 5,8% eða 374 tonn segir Þórarinn. „Þetta er jákvætt að þetta gerist á sama tíma og við erum að horfa upp á vandræði á sumum erlendum mörkuðum vegna viðskiptadeilu Rússlands og Vesturveldanna.“ Sauðfjárbændur hafa þegar tekið á sig 600 milljóna króna skell vegna þessara utanaðkomandi áhrifa með afurðaverðlækkun í haust. „Íslenskir neytendur standa greinilega með sauðfjárbændum þegar kreppir að“, segir Þórarinn „sem er í sjálfu sér ekki skrítið því hagsmunir beggja fara saman.“
Fleiri sjá hreinleikan og gæðin
Aðspurður um hvað valdi segir Svavar að ýmsir þættir spili þarna inn í. „Við finnum greinilega fyrir því að íslenskir neytendur eru alltaf að sjá betur og betur að við eigum einstaka vöru í lambakjötinu sem er án erfðabreytts fóðurs, hormóna eða vaxtarhvetjandi lyfja. Ég held að fólk sé alltaf að gera sér betur og betur grein fyrir þessu.“ Hann segir það líka skipta máli að bændur og forystumenn þeirra hafi talað af skynsemi og ábyrgð um náttúruvernd, loftslagsmál og annað sem skiptir neytendur máli.
Markaðssetning fyrir ferðamenn virkar
Frá því í vor hefur Markaðsráð unnið með veitingastöðum að því að setja lambakjöt í öndvegi og fá erlenda ferðamenn til að borða meira af því. Svavar segir augljósan árangur af þeirri vinnu. „Við höfum verið að prófa okkur áfram í markaðssetningu gagnvart erlendum ferðamönnum og förum af stað af fullum krafti um áramótin. Nokkrir tugir veitingastaða eru nú þegar í samstarfi með okkur og við erum að sjá svona 20% til 25% söluaukningu hjá þessum stöðum. Í best heppnuðu tilfellunum erum við að sjá allt að 70% aukningu á sölu á lambakjöti hjá veitingastöðum í þessu átaki“ segir Svavar.
/Fréttatilkynning.
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
