Ríflega 200 starfsmenn tóku þátt í Stóra sýslumannadeginum

feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 09.10.2025 kl. 08.23 oli@feykir.is
Alls munu sýslumenn landsiins vera níu en voru þar áður 19 talsins. Hugmyndir hafa verið uppi að fækka þeim niður í einn. Væri það ekki synd og skömm? Sýslumaður Norðurlands vestra er Birna Ágústsdóttir á Blönduósi. AÐSENDAR MYNDIR
Alls munu sýslumenn landsiins vera níu en voru þar áður 19 talsins. Hugmyndir hafa verið uppi að fækka þeim niður í einn. Væri það ekki synd og skömm? Sýslumaður Norðurlands vestra er Birna Ágústsdóttir á Blönduósi. AÐSENDAR MYNDIR
Föstudaginn 3. október sl. stóðu sýslumenn fyrir sameiginlegum vinnudegi starfsfólks embættanna. Saga sýslumanna er löng en þetta er aðeins í annað skipti sem starfsfólk allra sýslumannsembættanna kemur saman. Vinnudagurinn fór fram á Akureyri og tóku 203 starfsmenn 9 sýslumannsembætta þátt. Megináhersla var lögð á framtíðarsýn og samvinnu milli embættanna. Fulltrúar frá Háskóla Íslands stýrðu vinnustofum þar sem fjallað var um lykilþætti farsælla breytinga, forystu og mikilvægi samvinnu í umbótastarfi.
 
Í kjölfarið tóku sýslumenn og starfsfólk þátt í stefnumótunarvinnu þar sem mótuð voru forgangsmarkmið fyrir næsta ár. Þrjú gildi voru skilgreind sem leiðarstef starfseminnar; Framsækni, þekking og samvinna. Gildin endurspegla kjarnann í starfsemi sýslumannsembættanna, sem lengi hefur byggt á fagmennsku, trausti, virðingu og áreiðanleika.

 

Á vinnustofunum komu fram skýrar áherslur um áframhaldandi eflingu stafrænnar þjónustu, samræmingu verklags milli embætta, að stuðla að aukinni starfsánægju og nauðsyn þess að tryggja að breytingar byggist á opnu upplýsingaflæði og gagnkvæmu trausti.

Dagurinn endurspeglaði sterkan vilja sýslumanna til að standa saman að eflingu nýsköpunar, samnýtingu krafta og að halda áfram að vera í fararbroddi stafrænnar þjónustu hins opinbera.

Mikil ánægja ríkti meðal starfsfólks og sóknarhugur einkenndi starfið.

Aðalfundur sýslumannafélags Íslands fór fram að starfsdegi loknum. Formaður var endurkjörinn Svavar Pálsson, sýslumaður á Norðurlandi eystra og settur sýslumaður á Austurlandi, og formaður sýslumannaráðs Kristín Þórðardóttir, sýslumaður á Suðurlandi og settur sýslumaður í Vestmannaeyjum, einnig endurkjörin.

/Fréttatilkynning

Til baka

Fleiri fréttir

  • Sigur á Stjörnustúlkum í æsispennandi leik

    feykir.is Skagafjörður, Íþróttir, Lokað efni 09.10.2025 kl. 10.52 oli@feykir.is
    Það var hart barist í Síkinu í gærkvöldi þegar Stólastúlkur tóku á móti liði Stjörnunnar. Lið Tindastóls var nokkuð laskað þar sem hvorki leikstjórnandinn Alejandra Martinez né Rannveig voru á skýrslu og því aðeins átta leikmenn til taks hjá Israel. Sem betur fer var hin spænska Marta Hermida í banastuði og gerði 49 stig í 95-92 sigri og þar á meðal fjögur síðustu stig leiksins.
    Meira
  • Frá lestrarstundinni í bókasafninu. MYND: SAGA SJÖFN

    Ungir leikarar lásu fyrir enn yngri hlustendur

    feykir.is Skagafjörður, Listir og menning, Lokað efni 09.10.2025 kl. 10.00 oli@feykir.is
    Nú í byrjun október fékk bókasafnið við Faxatorg á Sauðárkróki góða heimsókn en þá mættu tveir galvaskir leikarar frá Leikfélagi Sauðárkróks, þau Ísak Agnarsson og Emilia Kvalvik, í heimsókn. Í frétt á heimasíðu Héraðsbókasafnsins segir að þau hafið lesið upp úr bók um snillinginn Einar Áskel fyrir börnin og tóku svo lagið með þeim á eftir. Rúmlega sextíu gestir komu til að hlusta á upplesturinn og syngja með þeim.
    Meira
  • MYND TINDASTÓLL

    Leikdagur

    feykir.is Skagafjörður, Íþróttir, Lokað efni 09.10.2025 kl. 09.35 gunnhildur@feykir.is
    Önnur umferð Bónus deildar karla hefst í kvöld þegar Tindastóll tekur á móti Keflvíkingum, það eru engin frávik í kvöld, hamborgarar frá 18:30 og flautað verður til leiks á slaginu 19:15. 
    Meira
  • Blaðamaður tók myndina á æfingu og getur svo sannarlega mælt með að allir skelli sér að sjá Óvitana.

    Óvitar í Bifröst

    feykir.is Skagafjörður, Listir og menning, Lokað efni 08.10.2025 kl. 14.15 gunnhildur@feykir.is
    Leikfélag Sauðárkróks æfir nú af krafti leikritið Óvitar eftir Guðrúnu Helgadóttur. Verkið er ofboðslega skemmtilegt á margan hátt þar sem börn leika fullorðna og öfugt. Við fáum innsýn í hvernig börn líta á okkur fullorðna fólkið og sjáum hluti sem við kannski gerum okkur ekki alltaf grein fyrir. Við fáum að upplifa fallegan og góðan vinskap sem varð frekar óvænt til vegna mikilla erfiðleika. Þetta er fjörug sýning með djúpa meiningu og er svo sannarlega fyrir alla fjölskylduna,“ segir Eysteinn Ívar leikstjóri verksins. Feykir tók tal að Eysteini sem er búinn að standa í ströngu, því nú styttist í frumsýningu en hún er áætluð 10. október nk. Miðasalan er farin á fullt og um að gera að næla sér í miða, nú þegar er orðið uppselt á fyrstu tvær sýningarnar. 
    Meira
Yfirlit frétta