Roðagyllum heiminn – alþjóðlegt átak gegn stafrænu kynbundnu ofbeldi
Soroptimistar á Íslandi sameinast nú í alþjóðlegu átaki gegn stafrænu kynbundnu ofbeldi. Þann 25. nóvember, á alþjóðlegum baráttudegi Sameinuðu þjóðanna gegn ofbeldi gegn konum, hófst 16 daga vitundarvakning sem stendur til 10. desember, mannréttindadags Sameinuðu þjóðanna. Í brennidepli í ár er að varpa ljósi á alþjóðlegt samfélagslegt vandamál – stafrænt ofbeldi gegn konum – sem á sér stað í öllum heimshlutum og menningarheimum og hvetja til þess að aukin áhersla verði lögð á forvarnir af ýmsu tagi.
Nýjar alþjóðlegar rannsóknir sýna að stafrænt ofbeldi gegn konum er útbreitt vandamál.
Stafrænt ofbeldi“ nær yfir fjölmargar birtingarmyndir — t.d. netáreiti, hatursorðræðu,
dreifingu mynda eða videóa án samþykkis, fjárkúgun vegna viðkvæms efnis, net-eltihrella, stafræna áreitni og fleira.
- Um 40–60 % kvenna hafa einhvern tíma upplifað stafrænt ofbeldi.
- Meðal kvenna í fjölmiðlum er tíðnin þessi: 48 % fengu óumbeðin skilaboð, 15 %
hafa upplifað mynddreifingu án samþykkis og 18 % fengið kynbundnar hótanir.
- Ungar konur (18–35 ára), blaða- og fjölmiðlakonur og konur í opinberum embættum
eru í mestri hættu.
- Fá mál eru kærð vegna vantrausts á réttarvörslukerfinu.
Soroptimistar um allan heim taka þátt í átakinu Roðagyllum heiminn eða #OrangeTheWorld, þar sem ýmsar stofnanir, kirkjur og minnisvarðar eru lýstir upp appelsínugulu – lit um von og samstöðu. Appelsínugulur varningur er til sölu og fánar dregnir að húni. Á Íslandi starfa um 670 Soroptimistar í 20 klúbbum og munu þeir standa fyrir fjölmörgum viðburðum þessa daga, svo sem ljósagöngum, fræðslufundum og almennri vitundarvakningu um kynbundið stafrænt ofbeldi.Við Soroptimistar í Skagafirði settum spjöld með ÞEKKTU RÐU LJÓSIN! en á þeim hægt að lesa um hvað ber að varast, varnarorð. Spjöldin fóru á allar innkaupakerrur í Skagfirðingabúð, Hlíðarkaup, KS Hofsósi og Olis í Varmahlíð. Eining rúllar á skjánum í anddyri Skagfirðingabúðar texti um ofbeldi á netinu,og vertu á verði. Ráðhúsið er lýst upp með appelsínugulum lit.
Verum netsnjöll – sýnum virðingu og ábyrgð á netinu
Við þökkum öllum þeim sem tóku svo vel í beiðni okkar við þessa framkvæmd.
Soroptimistaklúbbur Skagafjarðar
Fleiri fréttir
-
Aðalfundur Barna- og unglingaráðs knattspyrnudeildar Tindastóls mánudaginn 15. desember
feykir.is Skagafjörður, Íþróttir 09.12.2025 kl. 14.13Barna- og unglingaráð knattspyrnudeildar Tindastóls boðar til aðalfundar í Húsi frítímans mánudaginn 15. desember kl. 20.Meira -
Elstu nemendur á Barnabóli aðstoðuðu við að kveikja á jólatrénu
feykir.is Austur-Húnavatnssýsla, Lokað efni 09.12.2025 kl. 11.04„Kveikt var á jólaljósum á fallega jólatrénu okkar á Hnappstaðatúni í gær,“ skrifar Alexandra Jóhannesdóttir sveitarstjóri Skagastrandar á vef sveitarfélagsins nú í morgun. Hún segir mætingu hafa verið góða og að gestir á öllum aldri hafi notið samverunnar. „Elsti bekkurinn á Barnabóli aðstoðaði sveitarstjóra við að kveikja ljósin á trénu og stóðu þau sig með prýði. Sem fyrr reyndist erfitt að bíða eftir niðurtalningunni - spennan var svo mikil!“Meira -
Voru sér til mikils sóma eins og alltaf
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.12.2025 kl. 09.46Nú í lok nóvember tók U19 landslið kvenna í knattspyrnu þátt í riðlakeppni fyrir EM en riðillinn var spilaður í Portúgal. Þrjár stúlkur sem léku með liði Tindastóls í Bestu deildinni í sumar voru í hópnum; þær Birgitta Rún Finnbogadóttir, Elísa Bríet Björnsdóttir og Hrafnhildur Salka. Þjálfari liðsins er Halldór Jón Sigurðsson, best þekktur sem Donni þjálfari, og Feykir spurði hann í gær hvernig til hafi tekist í fyrsta stóra verkefni hans sem landsliðsþjálfari en hann tók við U19 landsliðinu í haust eftir að hafa látið af störfum sem þjálfari kvennaliðs Tindastóls.Meira -
Kosningaþátttaka sambærileg í báðum sveitarfélögum
feykir.is Vestur-Húnavatnssýsla 09.12.2025 kl. 08.55Í fréttatilkynningu sem send var út seinni partinn í gær segir að íbúakosningar um tillögu um sameiningu Dalabyggðar og Húnaþings vestra hafa nú staðið yfir frá 28. nóvember, en þeim lýkur laugardaginn 13. desember nk. Kosningaþátttaka er mjög áþekk í sveitarfélögunum tveimur m.v. stöðuna nú í upphafi lokaviku kosninganna eða rétt rúmlega 11%.Meira
