Róleg Laufskálaréttarhelgi
Þó mikið hafi verið um að vera í Skagafirði um helgina og margir gestir heimsótt fjörðinn með öllu því tilstandi sem fylgir Laufskálaréttargleði, var helgin nokkuð góð að sögn Lögreglunnar á Sauðárkróki, og stóð undir væntingum miðað við þann fjölda gesta sem gerðu sér glaðan dag. Þakkar hún góðri gæslu og undirbúningi.
Eitthvað var um minniháttar umferðaróhöpp, sem kalla má nudd og sem kannski er ekki óeðlilegt þar sem margir bílar eru samankomnir á ómerktum stæðum eins og í kringum Laufskálaréttina. Einn var tekinn grunaður um ölvun við akstur.
Hið árlega Laufskálaréttarball fór fram á laugardagskvöldið í Reiðhöllinni á Sauðárkróki og var það fjölmennt eins og búast mátti við. Um 2000 manns skemmtu sér við tóna hinnar mögnuðu hljómsveitar Vonar sem fékk landslið söngvara til að stíga á stokk með sér.
Fór ballið vel fram í alla staði og engin mál komu á borð lögreglunnar enda mikill viðbúnaður og góð gæsla. Eyþór Jónasson hallarstjóri segir að 5 óeinkennis lögreglumenn hafi verið inni á ballinu, 30 dyraverðir, 2 lögreglumenn með fíkniefnaleitarhunda auk hins venjulega fjölda lögreglumanna á staðnum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
